Ardán Beartais Sláinte an Aontais Eorpaigh

Eolas faoin Ardán

Is uirlis chomhoibríoch ar líne é Ardán Beartais Sláinte an Aontais Eorpaigh a éascaíonn an chumarsáid idir seirbhísí an Choimisiúin Eorpaigh, grúpaí sainleasa a bhaineann leis an tsláinte agus páirtithe leasmhara.

Tá AS SANTE tiomanta inrochtaineacht dhigiteach a chinntiú go dhaoine faoi mhíchumas - tá tuilleadh eolais le fáil i Ráiteas Inrochtaineachta an Ardáin.

Is í an Ard-Stiúrthóireacht um Shláinte agus Sábháilteacht Bia sa Choimisiún Eorpach a dhéanann Ardán Beartais Sláinte an Aontais Eorpaigh a mhodhnú, agus cuireann sí ionchur ar fáil freisin. Déantar an tArdán a mhaoiniú faoin gClár EU4Health 2021-2027. The Is é Béarla, an teanga oibre, ach féadfaidh líonraí ad-hoc a chruthú i dteangacha eile de chuid an Aontais ar iarraidh ó bhaill an Ardáin.

Is ar an Ardán Gréasáin a n-éascaítear plé ar líne, a spreagtar comhoibriú agus a ndéantar seimineáir ghréasáin bheo a óstáil go minic, agus sa bhreis ar an Ardán a reáchtáil; d’eagraigh foireann Ardán Beartais Sláinte an Aontais Eorpaigh Gradam Sláinte an Aontais ó 2015 go dtí 2021. Leis an nGradam sin, tugtar aitheantas do chathracha, d’eagraíochtaí neamhrialtasacha agus do scoileanna a gcuireann a dtionscnaimh feabhas ar shláinte phoiblí san Aontas Eorpach. Tá eolas faoi na tionscnaimh ar fad a bhuaigh agus a cuireadh ar an ngearrliosta ar fáil ar shuíomh gréasáin Ghradam Sláinte an Aontais Eorpaigh, iad liostaithe de réir bliana. Is léiriú é ar an lear mór eolais atá ann faoi dhea-chleachtais agus faoi chineálacha cur chuige nuálacha i leith dúshláin sláinte poiblí.

Tugann Cruinniú Bliantúil Ardán Beartais Sláinte an Aontais Eorpaigh an deis do pháirtithe leasmhara a Ráitis Chomhpháirteacha a chur i láthair agus sineirgí féideartha a phlé. Tá an cruinniú sin oscailte do ghrúpaí sainleasa sláinte agus do bhaill foirne Institiúidí an Aontais agus díríonn sé ar thosaíochtaí sláinte an Aontais.

Ba mhaith leis an gCoimisiún Eorpach cuireadh a thabhairt do gach páirtí leasmhar sláinte atá gníomhach i réimse na sláinte nó a bhfuil suim acu i mBeartas Sláinte an Aontais Eorpaigh clárú le haghaidh Ardán Beartais Sláinte an Aontais Eorpaigh. Féach na Rialacha Nós Imeachta agus an treoir d’úsáideoirí chun tuiscint níos fearr a fháil ar an gcaoi a n-oibríonn an tArdán agus féach leat na buntáistí a ghabhann leis!

• Rialacha Nós Imeachta Ardán Beartais Sláinte an Aontais Eorpaigh : mar bhall den Ardán nó mar bhall féideartha, moltar duit Rialacha Nós Imeachta Ardán Beartais Sláinte an Aontais Eorpaigh a léamh chun tuilleadh eolais a fháil faoinár modhanna oibre agus faoinár dtéarmaí agus coinníollacha.
• Treoir d’Úsáideoirí : tugtar míniú sa treoir sin faoi na nósanna imeachta clárúcháin agus faoi fheidhmiúlachtaí an Ardáin (i.e. conas mír nuachta a phostáil). Cláraigh ar an Ardán agus cuir to thuairim in iúl!

Is féidir le baill an ardáin nuacht a phostáil, pobalbhreitheanna a chruthú, imeachtaí nó seimineáir ghréasáin atá le teacht a chomhroinnt, doiciméid a stóráil agus i bhfad níos mó i gceann amháin nó níos mó de líonraí an Ardáin! Nuair a bheidh tú cláraithe, beidh rochtain agat ar na cineálacha líonraí seo a leanas:

1. Líonra Agora Network, pléfhóram coiteann atá inrochtana go huathoibríoch do bhaill uile an Ardáin a chomhlíonann Rialacha Nós Imeachta an Ardáin. Moltar do gach ball nuacht a bhaineann lena ngníomhaíochtaí a fhoilsiú sa líonra seo.
2. Tá rochtain ag gach ball den Ardán ar Líonraí Malartaithe agus úsáidtear iad chun dea-chleachtais a mhalartú agus chun ábhair oiliúna a chomhroinnt.
3. Is líonraí sealadacha iad na Líonraí Téamacha, agus ní chuirtear ar bun iad ach ar feadh aon bhliain amháin. Tá siad faoi stiúir eagraíocht páirtithe leasmhara sláinte a roghnaítear trí ghlao ar thograí. Ullmhaíonn an ceannaire páipéar seasaimh comhoibríoch (an Ráiteas Comhpháirteach) maidir le tosaíocht a bhaineann leis an tsláinte. Eagraíonn foireann an Ardáin roinnt seimineár gréasáin beo oscailte chun smaointe a phlé sula ndéanfaidh an eagraíocht atá i gceannas an Ráiteas Comhpháirteach a dhréachtú agus a chur i láthair ag Cruinniú Bliantúil Ardán Beartais Sláinte an Aontais Eorpaigh. Tugtar cuireadh do bhaill uile an Ardáin páirt ghníomhach a ghlacadh sna Líonraí Téamacha trí fhreastal ar sheimineáir ghréasáin bheo, tríd an Ráiteas Comhpháirteach a chomhdhréachtú nó trína fhormhuiniú.
4. Líonraí faoi stiúir an Choimisiúin Eorpaigh agus na mBallstát, is líonraí iad (de ghnáth) nach bhfuil rochtain orthu ach ag baill ainmnithe amháin agus is ionadaithe de chuid an Choimisiúin agus/nó ionadaithe na mBallstát a dhéanann iad a mhodhnú.
5. Is líonraí srianta iad Líonraí na bPáirtithe Leasmhara a bunaíodh chun eolas agus faisnéis a chomhroinnt maidir le réimse sláinte ar leith. Cruthaítear iad mar fhreagairt ar iarraidh dhíreach ó bhaill leasmhara an Ardáin agus is é an Coimisiún Eorpach a fhormheasann iad. Féadfaidh baill ardáin a bhfuil leas acu i líonra páirtithe leasmhara ar leith rochtain a iarraidh. Iarrtar ar bhaill an Ardáin a mholadh go gcruthófaí líonraí nua páirtithe leasmhara d’fhoireann an Ardáin sante-hpp@ec.europa.eu

Mar bhall den Ardán, gheobhaidh tú nuachtlitir dhá uair sa tseachtain leis ‘An Scéala is déanaí’ ina mbeidh an t-eolas is déanaí go léir a chomhroinntear ar líonra Agora (chomh maith leis na líonraí srianta a bhfuil tú páirteach iontu).

Eagraíonn an Coimisiún Eorpach, na Ballstáit agus páirtithe leasmhara seimineáir ghréasáin bheo ar bhonn rialta maidir le príomhthionscnaimh sláinte an Aontais. Déantar eolas a phostáil faoi sheimineáir ghréasáin atá ag teacht aníos i Líonra Agora (féach ar an rannán na bhfógraí!). Iarrtar ar bhaill an Ardáin ábhair na seimineár gréasáin a mholadh. Tá ráiteas príobháideachais Ardán Beartais Sláinte an Aontais Eorpaigh maidir le seiminéair ghréasáin le fáil anseo.

Chun tuilleadh eolais a fháil faoi Ardán Beartais Sláinte an Aontais Eorpaigh, déan teagmháil le SANTE-HPP@ec.europa.eu

Ardán Beartais Sláinte an Aontais Eorpaigh

lean ar Twitter sinn

Rialachán (AE) 2018/1725