ALURES - Annimali użati għal skopijiet xjentifiċi
Mill-1986 ‘l hawn, l-UE kellha leġiżlazzjoni speċifika li tkopri l-użu tal-annimali għal skopijiet xjentifiċi. Fit-22 ta’ Settembru 2010, l-UE adottat id-Direttiva 2010/63/UE li taġġorna u tissostitwixxi d-Direttiva 86/609/KEE tal-1986 dwar il-protezzjoni tal-annimali li jintużaw għal għanijiet xjentifiċi. L-għan tad-Direttiva l-ġdida huwa li ssaħħaħ il-leġiżlazzjoni, u ttejjeb il-benesseri ta’ dawk l-annimali li xorta jridu jintużaw, kif ukoll biex issaħħaħ il-prinċipju tat-Tliet Rs (Replace, Reduce u Refine) - is-sostituzzjoni, it-tnaqqis u r-raffinament tal-użu tal-annimali, fil-leġiżlazzjoni tal-UE. Id-Direttiva 2010/63/UE daħlet fis-seħħ fl-1 ta’ Jannar 2013.