A nyilvántartások fizetésképtelenséggel kapcsolatos információkat rögzítenek, elemeznek és tárolnak és tesznek elérhetővé a nyilvánosság számára, azonban országoktól függően eltérő formában:

• külön nyilvántartással rendelkező országok – a fizetésképtelenségi eljárás minden szakaszáról és az eljárásban résztvevő felekről tesznek közzé információkat.
• egyéb nyilvántartásokat használó országok – a helyzet összetettebb. Néhány nyilvántartás csak a vállalkozás nevét és jogállását teszi közzé, a többi az eljárás valamennyi szakaszára vonatkozóan tüntet fel információkat.

Információ a nemzeti nyilvántartásokról

Ha szeretne részletesebben tájékozódni valamelyik tagállamról, válassza ki a kívánt ország zászlaját.

Egyablakos keresés

A nemzeti fizetésképtelenségi nyilvántartásokban – bármilyen hivatalos uniós nyelven – történő kereséshez használja az alábbi linket:

• a fizetésképtelenségi eljárásra vonatkozó információkért és dokumentumokért
• adósokra vonatkozó dokumentumokért

Keresés a nemzeti nyilvántartásokban

Az ezekben a nyilvántartásokban található információkhoz és dokumentumokhoz való hozzáférésnek ingyenesnek kell lenni.

Jelenleg nem minden uniós ország érhető el ezen a szolgáltatáson keresztül. A helyzetnek 2019 közepére meg kell változnia, ez az a határidő, amelyet a fizetésképtelenségi eljárásokról szóló felülvizsgált rendelet állapított meg a nemzeti fizetésképtelenségi nyilvántartások uniós szintű összekapcsolására az európai igazságügyi portálon keresztül. Ez a jövőben összekapcsolódó rendszer összehangolt módon fog előzetesen meghatározott információkat („kötelező információkat”) tartalmazni a fizetésképtelenségi eljárásokról, függetlenül attól, hogy az EU-ban hol indították meg őket.

Kapcsolódó linkek

Fizetésképtelenség/csőd

X’inhi s-sitwazzjoni fir-rigward tar-reġistri ta' insolvenza fil-Belġju?

Fil-Belġju, trid issir distinzjoni bejn in-negozji, li jistgħu jkunu persuni ġuridiċi jew persuni fiżiċi, u persuni fiżiċi li mhumiex negozji (individwi).

• Fir-rigward tan-negozji, hemm reġistru nazzjonali ċentrali tal-insolvenza magħruf bħala r-Reġistru Ċentrali tas-Solvenza (Registre Central de la Solvabilité / Centraal Register Solvabiliteit) għan-negozji li huma s-suġġett ta’ proċedimenti ta’ insolvenza, jiġifieri r-riorganizzazzjoni ġudizzjarja (réorganisation judiciaire / gerechtelijke reorganisatie) jew proċedimenti ta’ falliment https://www.regsol.be/
• Fir-rigward tal-individwi, il-Belġju għandu bażi ta’ data li tiċċentralizza ċerta informazzjoni dwar persuni b’dejn eċċessiv li jkunu għażlu li jibdew proċeduri ta’ saldu tad-dejn kollettiv. Din il-bażi tad-data ġiet stabbilita fil-Bank Nazzjonali tal-Belġju iżda mhijiex pubblika.

Il-konsultazzjoni tar-reġistri ta' insolvenza fil-Belġju hija servizz bil-ħlas?

Le, ma hemm l-ebda spejjeż għall-konsultazzjoni.

Iva, hemm tariffi għall-iffajljar ta’ ċerti dokumenti u għall-ġestjoni tal-fajls.

Ara l-link li ġejja: https://dp-a.be/fr/tarifs-dpa-regsol

Kif tfittex f’reġistru ta' insolvenza fil-Belġju

L-ewwel pass huwa li toħloq kont.

Kulħadd jista’ jitlob li jikkonsulta fajl pendenti. Tfittex billi tikklikkja fuq “Itlob aċċess għal fajl miftuħ” fil-paġna ewlenija. It-talba tiegħek għal aċċess tiġi eżaminata minn:

• riċevitur (curateur/curator) − għal fallimenti qabel l-1 ta’ Mejju 2018
• imħallef superviżorju (juge-commissaire / rechter-commissaris) − għal fallimenti wara l-1 ta’ Mejju 2018
• imħallef delegat (juge délégué / gedelegeerd rechter) - għal proċedimenti ta’ riorganizzazzjoni ġudizzjarja fejn it-talba għal aċċess issir minn parti li mhijiex kreditur
• debitur (jew il-konsulent tiegħu) - għal proċedimenti ta’ riorganizzazzjoni ġudizzjarja fejn it-talba għal aċċess issir minn parti li mhijiex kreditur
• debitur fi proċedimenti ta’ riorganizzazzjoni ġudizzjarja jew ta’ falliment, biss meta:
  • it-talba għal aċċess issir mill-avukat tad-debitur
  • id-debitur huwa fil-fatt assoċjat mal-fajl inkwistjoni
    
    . Jekk l-ebda debitur ma jkun assoċjat mal-fajl, it-talbiet għal aċċess magħmula mill-avukat tad-debitur jiġu ttrattati mill-persuni li ġejjin (ara wkoll hawn fuq):
  • l-imħallef delegat (proċedimenti ta’ riorganizzazzjoni ġudizzjarja)
  • l-imħallef superviżorju (għal fallimenti b’sentenza wara l-1 ta’ Mejju 2018)
  • ir-riċevitur (għal fallimenti b’data ta’ sentenza qabel l-1 ta’ Mejju 2018)

Tirċievi email u notifika malli tingħata aċċess. Jekk tiġi rifjutat l-aċċess, ir-raġuni tingħata fin-notifika u fl-email.

Jekk ikollok aċċess għal fajl u l-fajl ikun magħluq, jista’ jkompli jkollok aċċess fl-arkivji tar-Regsol.

Jekk għad ma għandekx aċċess għal fajl li sadanittant ikun ingħalaq, it-talba tmur għand ir-reġistru tal-qorti kummerċjali (tribunal de l’entreprise / ondernemingsrechtbank) ikkonċernat, li mbagħad jista’ jagħtik aċċess billi jistiednek tikkonsulta fajl magħluq fl-arkivji.

Perjodu kopert mir-reġistri ta' insolvenza fil-Belġju

Ir-reġistru fih l-informazzjoni u d-dokumenti kollha relatati ma’ każijiet ta’ insolvenza, jiġifieri l-fallimenti kollha li għaddejjin u l-proċedimenti ta’ riorganizzazzjoni ġudizzjarja miftuħa mill-1 ta’ Mejju 2018 li ma ngħalqux.

Ħoloq relatati

RegSol

Figyelem: az oldal eredeti nyelvű változata nemrég módosult. Az Ön által kiválasztott nyelvi változatot most készítik fordítóink.

Reġistri dwar il-fallimenti u l-insolvenza - Bulgarija

Din il-paġna tipprovdi ħarsa ġenerali fil-qosor lejn ir-reġistru tal-insolvenza Bulgaru.

X’joffri r-reġistru Bulgaru tal-insolvenza?

Ir-reġistru Bulgaru tal-insolvenza jikkonsisti fi tliet partijiet:

1. Il-lista tar-riċevituri - aċċessibbli permezz tas-sit web tal-Ministeru tal-Ġustizzja Bulgaru.
2. Il-bullettin tal-bejgħ u tal-irkantijiet - li huwa kompletament aċċessibbli mis-sit elettroniku tal-Ministeru Bulgaru tal-Ekonomija.
3. Ir-reġistru tal-proċedimenti ta’ insolvenza - miżmum f’bażi tad-data ċentralizzata.

L-aċċess għar-reġistru Bulgaru tal-insolvenza huwa mingħajr ħlas?

L-aċċess għar-reġistru Bulgaru tal-insolvenza huwa mingħajr ħlas.

Kif nista’ nfittex fir-reġistru Bulgaru tal-insolvenza?

Tista’ tfittex għal riċevitur bl-isem fuq is-sit web.

Kif tagħmel tiftixa skont il-bejgħ

Il-bullettin tal-bejgħ jista’ jinsab fuq is-sit web tal-Ministeru tal-Ekonomija.

L-istorja tar-reġistru Bulgaru tal-insolvenza

Is-sistema ġiet stabbilita fl-2009 bħala parti mill-proġett intitolat “Trasparenza u effiċjenza ta’ proċedimenti ta’ insolvenza”, subprijorità 1.5 “Sistema ġudizzjarja trasparenti u effiċjenti” tal-Programm Operazzjonali “Kapaċità Amministrattiva” (OPAC) implimentat skont il-ftehim ta’ għotja Nru K09–15–5-C/9.10.2009. Il-proġett huwa ffinanzjat mill-Fond Soċjali Ewropew u l-baġit tal-istat tar-Repubblika tal-Bulgarija.

X’joffri r-reġistru ta’ insolvenza Ċek?

Ir-reġistru ta' insolvenza tar-Repubblika Ċeka huwa proprjetà u huwa miżmum mill-Ministeru tal-Ġustizzja tar-Repubblika Ċeka .

L-aċċess għar-reġistru ta’ insolvenza Ċek huwa mingħajr ħlas?

L-aċċess għar-reġistru huwa mingħajr ħlas.

Kif tagħmel tiftixa fir-reġistru ta’ insolvenza Ċek

Bl-użu tas-sistema tat-tiftix avvanzata, jista’ jkollok aċċess għall-kontenut sħiħ tad-dokumenti fir-reġistru, f’format PDF.

L-istorja tar-reġistru ta’ insolvenza Ċek

Ir-reġistru fih informazzjoni mill-1 ta’ Jannar 2008 ‘l quddiem.

Id-Danimarka ma għandha l-ebda reġistru ta’ insolvenza.

Ir-reġistru tal-insolvenza Ġermaniż

Ir-reġistru tal-insolvenza Ġermaniż jagħtik aċċess għad-dikjarazzjonijiet tal-insolvenza (Insolvenzbekanntmachungen) maħruġa mill-qrati kollha tal-insolvenza Ġermaniżi, skont il-§ 9 tal-Kodiċi tal-Insolvenza (Insolvenzordnung). Din l-informazzjoni torbot legalment u hija aċċessibbli għall-pubbliku.

Ir-reġistru huwa proprjetà tal-Gvern Federali/Kummissjoni Länder dwar it-Teknoloġija tal-Informazzjoni fis-Sistema tal-Ġustizzja u ġestit minnha, rappreżentata mill-Ministeru tal-Ġustizzja tat-territorju tar-Rhine Westphalia ta’ Fuq.

L-aċċess għar-reġistru tal-insolvenza tal-Ġermanja huwa bla ħlas?

Iva.

Kif tfittex fir-reġistru tal-insolvenza Ġermaniż

Ir-reġistru tal-insolvenza jinsab biss fil-website tar-reġistru tal-insolvenza Ġermaniż. Fejn meħtieġ, fil-website hemm l-istruzzjonijiet dwar kif tfittex. L-informazzjoni hija bil-Ġermaniż biss. Għandu jiġi nnutat li tiftixa sħiħa fid-data tal-qrati kollha Ġermaniżi tal-insolvenza hija possibbli biss fi żmien l-ewwel ġimagħtejn mill-ewwel jum tal-pubblikazzjoni. Wara dan iż-żmien ikollok tfittex il-post fejn tinsab il-qorti tal-insolvenza u mill-inqas waħda minn dawn li ġejjin: l-isem tal-persuna jew ditta; l-uffiċċju reġistrat tad-debitur (Sitz) jew ir-residenza abitwali (Wohnsitz); in-numru tal-każ, jew il-qorti tar-reġistrazzjoni, it-tip ta’ reġistru u n-numru tar-reġistrazzjoni.

tar-reġistru tal-insolvenza fil-Ġermanja

Il-website tar-reġistru tal-insolvenza ilha mill-1 ta’ April 2002 tipprovdi informazzjoni dwar l-insolvenzi. Informazzjoni dettaljata dwar il-perjodi koperti u l-proċedimenti li dwarhom teżisti id-data jistgħu jinstabu fil-website.

L-informazzjoni hija dwar każijiet fejn il-proċedura tal-insolvenza għadha mhijiex lesta. Id-data titħassar sa sitt xhur wara l-finalizzazzjoni tal-proċedura.

Links relatati

Ir-reġistru tal-insolvenza Ġermaniż

X'informazzjoni hija disponibbli fl-Estonja dwar l-insolvenza?

L-Estonja ma għandhiex reġistru separat dwar l-insolvenza, iżda l-informazzjoni rigward il-proċedimenti ta’ falliment u l-proċedimenti ta’ aġġustament tad-dejn tal-entitajiet ġuridiċi u tal-persuni fiżiċi hija disponibbli fil-pubblikazzjoni elettronika uffiċjali Ametlikud Teadaanded. Barra minn hekk, ir-reġistru kummerċjali Estonjan u r-reġistru tal-assoċjazzjonijiet u l-fondazzjonijiet mhux għal skop ta’ qligħ fihom informazzjoni dwar il-falliment ta’ entitajiet ġuridiċi u l-persuni li jaħdmu għal rashom.

Dawn li ġejjin huma eżempji ta’ dak li jiġi inkluż fl-Ametlikud Teadaanded mill-qrati u r-riċevent f'falliment:

• il-ħin u l-post tar-rieżami ta’ petizzjoni ta’ falliment, u avviż ta’ projbizzjoni fuq id-disponiment tal-assi;
• avviż dwar dikjarazzjoni ta’ falliment;
• avviż dwar laqgħa ġenerali tal-kredituri;
• avviż dwar l-approvazzjoni ta’ proposta preliminari ta’ distribuzzjoni;
• avviż dwar l-għeluq tal-proċedimenti ta' falliment;
• avviż dwar l-approvazzjoni ta’ pjan ta’ aġġustament tad-dejn.

Fis-sit web tal-Ametlikud Teadaanded wieħed isib lista sħiħa tal-avviżi kollha li għandhom jiġu ppubblikati.

Dawn li ġejjin jiddaħħlu fir-reġistru kummerċjali Estonjan u r-reġistru ta’ assoċjazzjonijiet u fondazzjonijiet mhux għal skop ta’ qligħ abbażi ta’ sentenza tal-qorti:

• ir-rinunzja għall-proċedimenti ta' falliment mingħajr ma wieħed jiddikjara falliment;
• id-dikjarazzjoni ta' falliment flimkien mal-isem u l-kodiċi ta' identifikazzjoni personali tar-riċevent f'falliment, kif ukoll nota li ssemmi li hu jew hi qed jirrappreżentaw lill-kumpanija;
• ir-rinunzja għal dikjarazzjoni ta' falliment flimkien ma' entrata li turi tkomplija fl-attività mill-kumpanija;
• ir-rinunzja għal dikjarazzjoni ta' falliment u t-tħassir tal-kumpanija mir-reġistru;
• it-terminazzjoni ta' proċeduri ta' falliment u t-tħassir tal-kumpanija mir-reġistru jew il-kontinwazzjoni tal-attivitajiet tal-kumpanija;
• kompromess u t-terminu għal dan, b'entrata li turi attività kontinwa;
• il-kanċellazzjoni ta' kompromess u l-ftuħ mill-ġdid tal-proċedimenti biex jiġi dikjarat falliment, b’nota li l-kumpanija hija rappreżentata minn riċevent f'falliment;
• it-tmiem tal-kompromess meta jkun skada, u t-tneħħija tar-riċevent f'falliment;
• in-nomina ta’ amministratur tal-aggregazzjoni ta' kopertura skont l-Att dwar il-Bonds Koperti, flimkien mal-isem u l-kodiċi ta’ identifikazzjoni personali tagħhom, u nota li huma jirrappreżentaw lill-istituzzjoni ta' kreditu fir-rigward tal-ġestjoni u tad-disponiment tal-portafoll tal-bonds koperti.

Dettalji tal-projbizzjonijiet tal-kummerċ imposti fuq id-debitur jew il-persuna bil-poter li tirrappreżentah jew projbizzjonijiet fuq it-twettiq ta' attivitajiet kummerċjali imposti fuq dik il-persuna ma jiddaħħlux fir-reġistru.

Ir-reġistru kummerċjali Estonjan fih l-informazzjoni segwenti dwar entitajiet ġuridiċi falluti:

• l-isem tal-entità ġuridika;
• il-kodiċi tar-reġistru;
• l-indirizz;
• id-dettalji tar-riċevent f'falliment;
• id-dettalji tal-membri tal-bord maniġerjali;
• id-dettalji tal-amministratur tal-aggregazzjoni ta' kopertura;
• id-data tal-ordni/tad-deċiżjoni li tiddikjara l-falliment u n-numru tal-ordni jew tal-kawża ċivili.

L-aċċess għall-informazzjoni dwar l-insolvenza huwa bla ħlas?

Aċċess għad-data tar-reġistru jista’ jsir online u fl-uffiċċji tan-nutara.

L-aċċess għal Ametlikud Teadaanded huwa bla ħlas.

L-ebda tariffa mhija imposta online għal tiftix rigward entitajiet ġuridiċi, persuni li jaħdmu għal rashom u fergħat ta' kumpaniji barranin, għal informazzjoni rigward proċedimenti tal-qorti jew għal aċċess għad-data tal-kard tar-reġistru. Madankollu, hija imposta tariffa għat-tiftix l-ieħor kollu, inklużi data storika tal-kard tar-reġistru u aċċess għal rapporti annwali, artikoli ta' assoċjazzjoni u dokumenti oħrajn. Ir-rati imposti għall-użu tad-data tal-kompjuter fir-reġistru kummerċjali huma stipulati f’Regolament tal-Ministru għall-Ġustizzja.

Hija imposta tariffa għall-konsulenza ma' data tar-reġistru u dokumenti tal-fajl f'uffiċċju tan-nutar. It-tariffi huma stabbiliti fl-Att tat-Tariffi Notarili. Skont l-Att dwar in-Nutara, il-Kamra tan-Nutara għandha tiżgura aċċess bla ħlas għall-fajls pubbliċi u l-fajls kummerċjali f’uffiċċju ta’ nutar fil-kontej ta’ Harjumaa, Tartumaa, Pärnumaa u Ida-Virumaa.

Dettalji tal-projbizzjonijiet tal-kummerċ huma ppubblikati u jista’ jsir aċċess għalihom online mingħajr ħlas.

Kif tfittex għall-informazzjoni dwar l-insolvenza

Tista’ tfittex fl-Ametlikud Teadaanded għall-informazzjoni dwar l-insolvenza ta’ entità ġuridika jew persuna fiżika permezz tal-isem jew tal-kodiċi ta’ identifikazzjoni personali/kodiċi tar-reġistru, u fuq il-paġna ġenerali tat-tiftix tista’ tfittex ukoll permezz tal-keyword. Permezz tal-funzjoni tat-tiftix, wieħed jista’ faċilment isib l-avviżi ppubblikati kollha rigward il-proċedimenti ta’ insolvenza. Meta l-proċedimenti jaslu fi tmiemhom, l-avviżi jiġu arkivjati, bl-eċċezzjoni tal-avviżi li jirrigwardaw it-terminazzjoni tal-proċedimenti, li jibqgħu pubbliċi għal tliet snin.

Tista' tfittex għal entità ġuridika jew persuna li taħdem għal rasha fir-reġistru kummerċjali elettroniku permezz tal-isem tan-negozju, l-isem jew il-kodiċi tar-reġistru. L-istatus ta' entità ġuridika jew persuna li taħdem għal rasha jindika jekk dik il-persuna jew entità humiex falluti jew le.

Ir-reġistru kummerċjali huwa marbut mal-interfaċċa tat-tiftix tar-reġistri tal-insolvenza tal-portal tal-Ġustizzja Elettronika, li tippermetti lill-kumpaniji, selliefa u investituri li jixtiequ jinvestu fi Stati Membri oħra jwettqu verifiki tal-preċedenti personali direttament f’dawk ir-reġistri ta’ pajjiżi oħra li fihom data dwar l-insolvenza. Bis-saħħa tas-soluzzjoni multilingwi li ġiet implimentata, il-proċess li bih wieħed jikseb informazzjoni minn pajjiż għall-ieħor fir-rigward tal-insolvenza huwa aktar trasparenti u huwa aktar faċli li wieħed ikollu aċċess għall-informazzjoni nnifisha. L-informazzjoni hija disponibbli bla ħlas. Il-portal għandu funzjoni bażika tat-tiftix, li tippermetti li jsir tiftix fir-reġistri interkonnessi kollha skont l-isem tad-debitur, kif ukoll funzjonalità tat-tiftix avvanzata, li fiha l-kriterji tat-tiftix jvarjaw skont ir-reġistru tal-pajjiż li fih tkun qed isir it-tiftixa. Fil-ġejjieni (mistennija fl-2021), Ametlikud Teadaanded se tkun konnessa mal-portal tal-Ġustizzja Elettronika, li fih l-informazzjoni mandatorja kollha dwar il-pubblikazzjoni ta’ proċedimenti ta’ insolvenza skont l-Artikolu 24 tar-Regolament (UE) 2015/848 tal-Parlament Ewropew u tal-Kunsill.

Għall-Estonja, huwa possibbli li wieħed ifittex skont l-isem tad-debitur u skont il-kodiċi ta’ identifikazzjoni personali/il-kodiċi tar-reġistru.

Storja tas-servizz ta' informazzjoni dwar il-falliment

Is-servizz Estonjan dwar il-falliment ilu disponibbli mill-1 ta' Settembru 1995.

Is-Servizz tal-Insolvenza tal-Irlanda (ISI) huwa korp statutorju indipendenti li ġie stabbilit fl-1 ta’ Marzu 2013.  L-għan tagħhom huwa terġa’ tiġi stabbilita s-solvenza ta’ persuni insolventi.

L-ISI jwettaq il-mandat tiegħu permezz ta’ għadd ta’ Oqsma ta’ Ħidma. Dawn huma:-

• Ġestjoni ta’ Każijiet,
• Falliment,
• Regolamentazzjoni u Politika
• Affarijiet Legali,
• Affarijiet Korporattivi.

L-ISI jippubblika l-informazzjoni li ġejja lir-Reġistri tiegħu skont l-Att dwar l-Insolvenza Personali. (Innota li r-reġistri tal-ISI ma humiex aċċessibbli mill-browsers ta’ Internet Explorer/Edge.  Nissuġġerixxu li tuża Chrome, Firefox jew Safari biex tara r-Reġistru.)

Iċ-Ċertifikati ta’ Protezzjoni

Meta jinħareġ ċertifikat ta’ protezzjoni skont l-Artikolu 61 tal-Att dwar l-Insolvenza Personali tal-2012 (l-“Att”), is-Servizz tal-Insolvenza tal-Irlanda jrid jirreġistra, minbarra l-informazzjoni preskritta fl-Att dwar l-Insolvenza Personali tal-2012 (Informazzjoni Addizzjonali li għandha tkun inkluża fir-Reġistri), ir-Regolamenti tal-2012 (S.I. 356 tal-2013), l-informazzjoni li ġejja:

• l-isem u l-indirizz tad-debitur u d-data tal-ħruġ taċ-ċertifikat ta’ protezzjoni;
• fejn applikabbli, l-estensjoni skont l-Artikolu 61 tal-Att taċ-ċertifikat ta’ protezzjoni;
• fejn applikabbli, il-ħruġ ta’ digriet mill-qorti skont l-Artikolu 63 tal-Att, u l-kreditur li fir-rigward tiegħu jkun inħareġ id-digriet; u
• id-data meta ma jibqax fis-seħħ iċ-ċertifikat ta’ protezzjoni, skont il-Kapitolu 3 tal-Att.
• Ir-Reġistru taċ-Ċertifikati ta’ Protezzjoni

Ir-Reġistru tal-Avviżi ta’ Serħan mid-Dejn

Skont l-Artikolu 33(4) tal-Att dwar l-Insolvenza Personali tal-2012, l-ISI jrid jirreġistra fir-Reġistru tal-Avviżi ta’ Serħan mid-Dejn (DRNs):

• il-fatt li nħareġ Avviż ta’ Serħan mid-Dejn,
• id-data meta nħareġ l-Avviż ta’ Serħan mid-Dejn,
• l-isem u l-indirizz tad-debitur speċifikat ikkonċernat, u
• dettalji oħra li jistgħu jiġu preskritti skont l-Artikolu 133(3)(b).
• Ir-Reġistru tal-Avviżi ta’ Serħan mid-Dejn

Ir-Reġistru tal-Arranġamenti għas-Saldu tad-Dejn

Skont l-Artikolu 76(1) tal-Att dwar l-Insolvenza Personali tal-2012, l-ISI jrid jirreġistra fir-Reġistru tal-Arranġamenti għas-Saldu tad-Dejn (DSAs):

• id-dettalji b’riżultat tal-vot meħud fil-laqgħa tal-kredituri;
• il-fatt li nħareġ Arranġament għas-Saldu tad-Dejn,
• fejn applikabbli, meta jkun hemm xi varjazzjoni fl-Arranġament għas-Saldu tad-Dejn
• fejn applikabbli, fejn l-ISI jirċievi notifika ta’ inadempjenza fuq l-arranġament;
• it-twettiq b’suċċess tal-arranġament.
• Ir-Reġistru tal-Arranġamenti għas-Saldu tad-Dejn

Ir-Reġistru tal-Arranġamenti għall-Insolvenza Personali

Skont l-Artikolu 113(1) tal-Att dwar l-Insolvenza Personali tal-2012, l-ISI jrid jikkonforma billi jirreġistra fir-Reġistru tal-Arranġamenti għall-Insolvenza Personali (PIAs):

• il-fatt li nħareġ Arranġament għall-Insolvenza Personali;
• id-dettalji b’riżultat tal-vot meħud fil-laqgħa tal-kredituri;
• fejn applikabbli, meta jkun hemm xi varjazzjoni fl-Arranġament għall-Insolvenza Personali;
• fejn applikabbli, fejn l-ISI jirċievi notifika ta’ inadempjenza fuq l-arranġament;
• it-twettiq b’suċċess tal-arranġament.
• Ir-Reġistru tal-Arranġamenti għall-Insolvenza Personali

X’joffri r-reġistru Grieg dwar l-insolvenza?

Skont il-leġiżlazzjoni Griega, il-proċeduri ta’ insolvenza, li fihom jintuża r-reġistru elettroniku tas-solvenza, huma:

• falliment (ptóchefsi) (l-Artikoli 75-211 tal-Liġi 4738/2020 - Ktieb II)
• falliment fuq skala żgħira (ptóchefsi mikroú antikeiménou) (l-Artikoli 172-188 tal-Liġi 4738/2020 - Ktieb II, Parti VI)
• riżoluzzjoni ta’ qabel il-falliment (proptocheftikí diadikasía exygíansis) (l-Artikoli 31-64 tal-Liġi 4738/2020 - Ktieb I, Parti II, Kapitolu II)

Il-qrati lokali tal-prim’istanza (protodikeía) huma responsabbli biex jikkunsidraw każijiet u joħorġu deċiżjonijiet dwar talbiet ta’ falliment.

Il-qrati ċivili distrettwali lokali (eirinodikeía) huma responsabbli għad-dikjarazzjoni ta’ falliment f’fallimenti fuq skala żgħira.

Il-qrati lokali tal-prim’istanza huma responsabbli għall-proċeduri fil-kuntest tar-riżoluzzjoni ta’ qabel il-falliment.

Il-pubblikazzjonijiet, id-divulgazzjonijiet jew ir-reġistrazzjonijiet kollha tal-proċedimenti ta’ insolvenza jsiru fir-Reġistru Elettroniku tas-Solvenza. Jekk dan ikun previst, ir-reġistrazzjonijiet jiddaħħlu wkoll fir-Reġistru Ġenerali tal-Kummerċ (Genikó Emporikó Mitróo – GEMI).

L-aċċess għar-reġistru tal-insolvenza Grieg mingħajr ħlas?

Iva, permezz tas-sit web:

https://www.gov.gr/ipiresies/periousia-kai-phorologia/diakheirise-opheilon/elektroniko-metroo-pheregguotetas-demosieuseis

Kif tfittex ir-reġistru tal-insolvenza Grieg

Billi tfittex fuq: https://keyd.gsis.gr/dsae2/iif/faces/pages/static/publicationList.xhtml

L-istorja tar-reġistru tal-insolvenza Grieg

Il-pubblikazzjonijiet kollha mill-1 ta’ Ġunju 2021 ’il quddiem huma disponibbli għall-pubbliku permezz tar-reġistru fuq is-sit web imsemmi hawn fuq.

Ir-reġistru tal-insolvenza Spanjol

L-informazzjoni pubblika dwar l-insolvenzi u l-proċedimenti ta’ insolvenza hija element essenzjali tat-trasparenza u ċ-ċertezza tad-dritt. Fi Spanja, dan jiġi pprovdut permezz tar-Reġistru Pubbliku tal-Insolvenza (Registro Público Concursal), li huwa rregolat mill-Artikolu 198 tal-Liġi dwar l-Insolvenza. Din il-Liġi ġiet implimentata permezz tad-Digriet Irjali 892/2013 tal-15 ta’ Novembru 2013, li jistipula li r-Reġistru Pubbliku tal-Insolvenza huwa ġestit mill-Assoċjazzjoni tar-Reġistraturi (Colegio de Registradores), li jaqa’ taħt il-Ministeru tal-Ġustizzja.

Ir-Reġistru Pubbliku tal-Insolvenza għandu għan triplu:

• Id-disseminazzjoni u l-pubblikazzjoni tad-deċiżjonijiet u l-atti maħruġa skont il-Liġi dwar l-Insolvenza, u tal-entrati fir-reġistru li jirriżultaw minn proċedimenti ta’ insolvenza.
• Il-koordinazzjoni bejn id-diversi reġistri pubbliċi li d-dikjarazzjoni tal-insolvenza u l-progress tal-proċedimenti jridu jiġu rreġistrati fihom.
• Il-ġenerazzjoni tal-lista tal-amministraturi tal-insolvenza li jissodisfaw ir-rekwiżiti legali u regolatorji. Madankollu, din il-funzjoni għadha ma ġietx implimentata.

Ir-Reġistru Pubbliku tal-Insolvenza jinsab fuq portal tal-internet: http://www.publicidadconcursal.es/.

L-għan tar-Reġistru Pubbliku tal-Insolvenza huwa li jiġbor flimkien l-informazzjoni rilevanti ġġenerata waqt il-proċedimenti ta' insolvenza, għal finijiet purament ta’ informazzjoni u ta’ divulgazzjoni pubblika.

L-aċċess għar-reġistru tal-insolvenza huwa mingħajr ħlas?

L-aċċess għar-reġistru pubbliku tal-insolvenza huwa mingħajr ħlas.

Kif tfittex fir-Reġistru tal-Insolvenza

Ir-Reġistru Pubbliku tal-Insolvenza huwa strutturat f’erba’ taqsimiet li l-entrati fihom jiġu fl-ordni skont il-parti soġġetta għall-proċedimenti ta’ insolvenza, jew skont id-debitur, f’ordni kronoloġika:

1. Taqsima 1 (avviżi ta’ insolvenza): din tinkludi deċiżjonijiet li jridu jiġu ppubblikati skont l-Artikolu 23 tal-Liġi dwar l-Insolvenza u deċiżjonijiet li jirreġistraw il-ftuħ ta’ negozjati skont l-Artikolu 5 bis ta’ dik il-Liġi. Hija tinkludi wkoll informazzjoni dwar il-ftuħ ta’ proċedimenti ta’ insolvenza mibdija fi Stat Membru ieħor f’konformità mal-liġi tal-UE dwar il-proċedimenti ta’ insolvenza.
2. Taqsima 2 (informazzjoni fir-reġistri pubbliċi): tinkludi annotazzjonijiet u entrati magħmula fi kwalunkwe reġistru pubbliku ta’ persuni msemmija fl-Artikolu 24 tal-Liġi dwar l-Insolvenza.
3. Taqsima 3 (ftehimiet ekstraġudizzjarji): tinkludi informazzjoni dwar il-passi meħuda biex jintlaħqu ftehimiet ekstraġudizzjarji dwar ħlasijiet skont it-Titolu X tal-Liġi dwar l-Insolvenza u dwar l-approvazzjoni tal-qorti ta’ ftehimiet ta’ rifinanzjament skont ir-raba’ dispożizzjoni addizzjonali tal-Liġi dwar l-Insolvenza.
4. It-Taqsima 4 (l-amministraturi tal-insolvenza u l-assistenti delegati tagħhom — għad trid tinħoloq u tiġi żviluppata).

Fit-tiftixiet, jistgħu jiddaħħlu l-ismijiet tad-debitur insolventi jew tal-amministratur tal-insolvenza: dan isiblek l-informazzjoni disponibbli dwarhom fi kwalunkwe waħda mit-taqsimiet.

L-istorja tar-reġistru tal-insolvenza

Il-Liġi tal-2003 dwar l-Insolvenza ma pprevedietx reġistru li jagħti informazzjoni dwar proċedimenti ta’ insolvenza b’mod ġenerali. Il-kwistjoni kienet koperta mill-arranġamenti għall-pubblikazzjoni stabbiliti dak iż-żmien fil-liġi Spanjola dwar il-kumpaniji, li kienu bbażati fuq il-pubblikazzjoni ta’ avviżi fil-gazzetti ta’ kuljum bl-ogħla ċirkolazzjoni fil-provinċja ikkonċernata. Dan kien ifisser dejjem aktar li l-proċedimenti kienu jispiċċaw jeħlu, peress li l-ispejjeż tal-pubblikazzjoni kellu jiġġarrab mill-patrimonju tal-insolvenza, li mhux dejjem kien ikun jiflaħ iħallashom.

L-Artikolu 198 tal-Liġi dwar l-Insolvenza kien jipprevedi reġistru pubbliku tal-kawżi ta’ insolvenza kolpevoli u l-ħatra jew l-iskwalifika tal-amministraturi tal-insolvenza. Dan ir-reġistru ġie estiż u ngħata l-isem “Reġistru Pubbliku tal-Insolvenza” bid-Digriet Irjali 3/2009 tad-29 ta’ Marzu 2009 dwar miżuri urġenti fi kwistjonijiet ta’ tassazzjoni, finanzjarji u ta’ insolvenza biex jiġu indirizzati l-bidliet fis-sitwazzjoni ekonomika. Minn dak iż-żmien, id-dispożizzjoni ġiet emendata diversi drabi, u kien hemm ukoll bidliet li jaffettwaw leġiżlazzjonijiet oħrajn li jipprevedu l-pubblikazzjoni ta’ ċerti passi permezz tar-Reġistru. Ir-regoli attwali li jimplimentaw l-Artikolu 198 tal-Liġi dwar l-Insolvenza huma stabbiliti fid-Digriet Irjali 892/2013 tal-15 ta’ Novembru 2013 dwar ir-Reġistru Pubbliku tal-Insolvenza.

Ħoloq relatati

https://www.mjusticia.gob.es

http://www.publicidadconcursal.es/

https://www.registradores.org

X’joffri r-reġistru tal-insolvenza Franċiż?

Franza m’għandha l-ebda reġistru speċifikament iddedikat għall-insolvenza. Hija għandha diversi reġistri li fihom deċiżjonijiet dwar l-insolvenza tad-debituri. Dawn jinkludu deċiżjonijiet dwar il-ftuħ jew l-estensjoni ta’ proċedimenti ta’ insolvenza, l-estensjoni tal-perjodu ta’ osservazzjoni, il-konverżjoni tal-proċedimenti, it-terminazzjoni jew l-emenda ta’ pjan ta’ ristrutturar jew l-għeluq ta’ proċedimenti, jew deċiżjonijiet li jiddikjaraw persuna falluta jew skwalifikata milli tmexxi kumpanija. L-ismijiet tal-uffiċjali ġudizzjarji jingħataw ukoll.

Ir-reġistri eżistenti huma:

• Ir-reġistru tal-kummerċ u tal-kumpaniji (registre du commerce et des sociétés), għal negozjanti li huma persuni fiżiċi u għal kumpaniji kummerċjali;
• Ir-reġistru tan-negozji (répertoire des métiers) għal professjonisti tal-artiġjanat/tal-kummerċ li huma persuni fiżiċi jew ġuridiċi;
• Ir-reġistru tan-negozju (répertoire des entreprises) fid-dipartimenti ta’ Bas-Rhin, Haut-Rhin u Moselle, għal impriżi tal-artiġjanat li jinsabu hemmhekk;
• Ir-reġistru tal-biedja (registre de l’agriculture) għal impriżi agrikoli.

Barra minn hekk, uħud mid-deċiżjonijiet imsemmija hawn fuq huma ppubblikati fil-Bullettin Uffiċjali tal-avviżi ċivili u kummerċjali (Bulletin officiel des annonces civiles et commerciales) u f’ġurnal ta’ avviżi legali.

Kif tfittex fir-reġistru tal-insolvenza Franċiż

L-informazzjoni f’ġurnali ta’ avviżi legali, il-Bullettin Uffiċjali ta’ avviżi ċivili u kummerċjali u r-reġistru tal-kummerċ u tal-kumpaniji huwa ċentralizzat mill-“Publicité Légale des Entreprises”, portal pubbliku li jagħti aċċess għall-informazzjoni legali tal-kumpaniji aċċessibbli permezz ta’: https://www.bodacc.fr/

Ir-reġistru tal-insolvenza Franċiż huwa mingħajr ħlas?

L-informazzjoni msemmija hawn fuq hija mingħajr ħlas.

X’inhu l-perjodu kopert mir-reġistri tal-insolvenza Franċiżi?

Il-portal jista’ jintuża biex taċċessa avviżi legali ppubblikati mill-1 ta’ Jannar 2010 u affarijiet ippubblikati fil-Bullettin Uffiċjali ta’ avviżi ċivili u kummerċjali mill-1 ta’ Jannar 2008.

Is-sit web tar-reġistru tal-kummerċ u tal-kumpaniji jinsab hawnhekk: https://www.infogreffe.fr/

Ħafna mill-informazzjoni li fih tista’ tiġi aċċessata bi ħlas.

Ir-Reġistru Nazzjonali ta' Insolvenza huwa reġistru elettroniku pubblikament disponibbli li jtejjeb il-forniment ta’ informazzjoni lill-kredituri u l-qrati rilevanti dwar il-proċedimenti ta’ insolvenza li jkunu għaddejjin u jipprevjeni milli jinbdew proċedimenti ta’ insolvenza paralleli.

Fis-26 ta’ Ġunju 2018, il-Ministeru tal-Ġustizzja lesta l-ewwel fażi tal-proġett bit-titolu “Interkonnessjoni tar-Reġistri ta’ Insolvenza (IRI) għall-Ewropa”, parzjalment iffinanzjat mill-programm tal-Faċilità Nikkollegaw l-Ewropa tal-Kummissjoni Ewropea (il-Faċilità Nikkollegaw l-Ewropa fil-qasam tan-netwerks trans-Ewropej tat-Telekomunikazzjoni: CEF-TC-2016-2: Portal Ewropew tal-Ġustizzja Elettronika), li l-Kroazja applikat għalih bħala parti minn konsorzju mal-Ġermanja, Franza, l-Italja u r-Rumanija.

Il-prijorità tal-FNE hija li tiffinanzja u timplimenta s-servizzi elettroniċi neċessarji għall-komunikazzjoni fi ħdan is-sistema ta’ interkonnessjoni bejn ir-reġistri ta’ falliment.

Ir-Reġistru ta’ Insolvenza ġie stabbilit f’konformità mar-Regolament (UE) 2015/848 tal-Parlament Ewropew u tal-Kunsill tal-20 ta’ Mejju 2015 dwar proċedimenti ta’ insolvenza.

Id-data fir-Reġistru ta' Insolvenza tiġi aġġornata mill-anqas kuljum u tkopri:

• il-proċedimenti ta’ qabel il-falliment u ta’ falliment li id-deċiżjoni li jinbdew il-proċedimenti ma tkunx ġiet adottata għalihom qabel l-1 ta’ Settembru 2015
• il-proċedimenti ta’ falliment tal-konsumatur, li d-deċiżjoni li jinbdew il-proċedimenti ma tkunx ġiet adottata għalihom qabel l-1 ta’ Jannar 2016.

Id-data kollha fir-Reġistru taqa’ fil-ġuriżdizzjoni tal-qrati li jkunu qed jisimgħu l-kawża.

Fit-tieni fażi tal-proġett tal-Interkonnessjoni tar-Reġistri ta’ Insolvenza (IRI) għall-Ewropa, ir-reġistri nazzjonali ta’ insolvenza ġew interkonnessi permezz tal-Portal Ewropew tal-Ġustizzja Elettronika.

Figyelem: az oldal eredeti nyelvű változata nemrég módosult. Az Ön által kiválasztott nyelvi változatot most készítik fordítóink.

Reġistri dwar il-fallimenti u l-insolvenza - Italja

Il-Ministeru tal-Ġustizzja Taljan qed jistabbilixxi sistema elettronika ġdida sabiex jamministra dejta relatata mal-insolvenzi.

Is-Sezzjoni tal-Fallimenti (Κλάδος Πτωχεύσεων και Εκκαθαρίσεων) għandha r-responsabbiltà li tirċievi u tamministra l-assi ta’ persuni naturali u legali insolventi u tirrapporta lid-Dipartiment tar-Reġistratur tal-Kumpaniji u tar-Riċevitur Uffiċjali (Τμήμα Εφόρου Εταιρειών και Επίσημου Παραλήπτη) tal-Ministeru tal-Kummerċ, tal-Industrija u tat-Turiżmu (Υπουργείο Εμπορίου, Βιομηχανίας και Τουρισμού). Din it-taqsima żżomm fajl tal-persuni naturali falluti. Jekk kumpanija tiġi stralċjata, dan jiġi rrapportat fir-Reġistru tal-Kummerċ. Għal iktar informazzjoni, jekk jogħġbok ikkuntattja lid-Dipartiment tar-Reġistratur tal-Kumpaniji u tar-Riċevitur Uffiċjali.

X’joffri r-reġistru ta’ insolvenza?

Mhux applikabbli.

L-aċċess għar-reġistru ta' insolvenza huwa mingħajr ħlas?

Mhux applikabbli.

Kif tagħmel tiftixa fir-reġistru ta’ insolvenza

Mhux applikabbli.

L-istorja tar-reġistru tal-insolvenza

Ir-Reġisru ta’ Insolvenza jinkludi informazzjoni dwar l-insolvenzi mill-1931 sal-lum.

Links relatati

Dipartiment tar-Reġistratur tal-Kumpaniji u tar-Riċevitur Uffiċjali (Τμήμα Εφόρου Εταιρειών και Επίσημου Παραλήπτη)

Ministeru tal-Kummerċ, tal-Industrija u tat-Turiżmu (Υπουργείο Εμπορίου, Βιομηχανίας και Τουρισμού)

Informazzjoni li tista’ tinstab fir-reġistru tal-insolvenza ġestit mir-Reġistru Latvjan tal-Intrapriżi

Ir-reġistru tal-insolvenza fih informazzjoni dwar:

• amministraturi;
• proċedimenti ta’ insolvenza fir-rigward ta’ persuni fiżiċi u ġuridiċi;
• proċedimenti ta’ protezzjoni legali;
• proċedimenti mhux ġudizzjarji ta’ protezzjoni legali;
• ħelsien mid-dejn ta’ persuna fiżika (proċedura nazzjonali biss).

Ir-reġistru tal-insolvenza huwa aċċessibbli għal kulħadd u l-entrati tiegħu għandhom l-istatus ta’ rekords uffiċjali. L-informazzjoni tista’ tiġi kkonsultata mingħajr ħlas.

Ir-reġistru tal-insolvenza jaqa’ taħt l-awtorità tar-Reġistru Latvjan tal-Intrapriżi (Uzņēmumu reģistrs).

Tiftix fir-reġistru tal-insolvenza ġestit mir-Reġistru Latvjan tal-Intrapriżi

Amministraturi

Din it-taqsima fiha informazzjoni dwar l-amministraturi, jiġifieri:

• isem;
• kunjom;
• l-indirizz lokali u l-informazzjoni ta’ kuntatt tal-prattika;
• in-numru taċ-ċertifikat professjonali;
• il-validità taċ-ċertifikat professjonali.

Informazzjoni dwar l-amministraturi li l-attività professjonali tagħhom tkun waqfet tista’ tinstab taħtData storika (Vēsturiskie dati). L-informazzjoni kollha mdaħħla fir-reġistru tal-insolvenza dwar kull amministratur tista’ tinstab taħt il-ħolqa Estratt (Izziņa).

Tfittxija

Tfittxija għall-informazzjoni dwar entità speċifika (persuna fiżika jew ġuridika) tista’ ssir fit-taqsima Tiftixa (Meklēšana) tar-reġistru. L-informazzjoni tista’ tiġi mfittxija billi jintużaw il-kriterji ta’ tfittxija li ġejjin:

• in-numru ta’ reġistrazzjoni tad-debitur (għall-persuni ġuridiċi) jew in-numru ta’ identifikazzjoni personali (għall-persuni fiżiċi);
• l-isem/kunjom jew it-titlu tad-debitur;
• il-perjodu tal-bidu tal-proċedimenti;
• it-tip ta’ proċedimenti (proċedimenti ta’ insolvenza, proċedimenti ta’ protezzjoni legali, proċedimenti ta’ protezzjoni legali barra l-qorti, ħelsien mid-dejn ta’ persuna fiżika);
• in-natura tal-proċedimenti (nazzjonali, transkonfinali primarji, transkonfinali sekondarji, proċedimenti prinċipali ta' insolvenza, proċedimenti sekondarji ta’ insolvenza, proċedimenti territorjali ta’ insolvenza);
• l-istatus tal-proċedimenti (proċedimenti għaddejjin, proċedimenti kompluti, il-proċedimenti kollha).

Ir-riżultati tat-tiftix jinkludu link għall-Estratt (Izziņa), li jipprovdi aċċess liberu għall-entrati kollha li saru fir-reġistru tal-insolvenza tar-Reġistru tal-Intrapriżi Latvjan fir-rigward ta' proċedimenti speċifiċi, inklużi verżjonijiet skannjati tad-dokumenti msemmija fl-Artikolu 9(4) tal-Liġi dwar ir-reġistru tal-intrapriżi tar-Repubblika tal-Latvja: l-aġenda tal-laqgħa tal-kredituri u n-notifika lill-kredituri mill-amministratur dwar il-laqgħa tal-kredituri.

Ġurnal

Tfittxija għall-entrati magħmula fi ġranet speċifiċi tista’ ssir fit-taqsima Ġurnal (Žurnāls) tar-reġistru. B’mod awtomatiku, l-entrati huma għall-jum attwali. Uża l-kalendarju biex tara l-entrati magħmula f’dati oħra jew uża s-subtaqsima Ġurnal tax-Xahar (Mēneša žurnāls). Kull reġistrazzjoni fiha link għal Estratt (Izziņa), fejn tista' tinstab informazzjoni aktar dettaljata dwar il-proċedimenti ta' insolvenza inkwistjoni.

Statistika

Data statistika dwar proċedimenti ta’ insolvenza ta’ persuni ġuridiċi u proċedimenti ta’ protezzjoni legali hija disponibbli mingħajr ħlas fit-taqsima dwar il-proċedimenti tal-insolvenza fuq il-portal tad-data miftuħa tal-Latvja.

L-istorja tar-reġistru tal-insolvenza ġestit mir-Reġistru tal-Intrapriżi

Ir-reġistru tal-insolvenza fih informazzjoni li tibda mill-1 ta’ Jannar 2008.

Informazzjoni addizzjonali dwar ir-reġistru tal-insolvenza ġestit mir-Reġistru tal-Intrapriżi hija disponibbli hawn, u fuq l-Insolvency Control Service.

Aħna nirrimarkaw li l-informazzjoni dwar kwalunkwe entità legali rreġistrata fir-Reġistru tal-Intrapriżi hija disponibbli fuq is-sit web tal-informazzjoni tar-reġistru fil-info.ur.gov.lv/. L-informazzjoni kurrenti tista’ tiġi kkonsultata/stampata mingħajr ħlas mingħajr awtentikazzjoni, filwaqt li l-informazzjoni storika tista’ tiġi kkonsultata u d-dokumenti fit-taqsima pubblika jiġu kkonsultati/imniżżla wara l-awtentikazzjoni tal-utent fuq is-sit web.

Jekk ikunu meħtieġa estratt ta’ informazzjoni mfassal mir-Reġistru tal-Intrapriżi jew kopji tad-dokumenti, għandha titfassal talba għall-informazzjoni bil-miktub u titħallas tariffa tas-servizz (għal informazzjoni aktar dettaljata jekk jogħġbok ara l-paġna ewlenija tar-Reġistru tal-Intrapriżi).

L-informazzjoni tista’ tintalab u l-informazzjoni dwar il-ħlas tiġi ppreżentata permezz tal-kanali li ġejjin:

• elettronikament (it-talba għall-informazzjoni trid tiġi ffirmata b'firma elettronika sigura u jkollha timbru tal-ħin):
  • l-indirizz elettroniku;
  • email: pasts@ur.gov.lv;
• bil-posta:
  • Register of Enterprises of the Republic of Latvia, Pērses iela 2, Riga, Latvia, LV-1011.

M’hemmx reġistru ta’ stralċ separat fil-Litwanja. Tista’ tivverifika l-istatus tal-kumpaniji f’dan ir-rigward fuq is-sit elettroniku tar-Reġistru tal-Entijiet legali (Juridinių asmenų registras). Wieħed jista’ jara l-istatus tal-kumpaniji fir-Reġistru tal-Entijiet legali mingħajr ħlas.

X'inhi s-sitwazzjoni dwar ir-reġistri tal-insolvenza fil-Lussemburgu?

Il-Lussemburgu m'għandux reġistri fuq każijiet ta' insolvenza. Il-fallimenti jiġu nnotifikati mit-tribunali u jiġu ddikjarati fir-reġistru tal-kummerċ u tal-kumpaniji (RCS) li jdaħħal din l-informazzjoni fil-bażi tad-dejta tiegħu.

Il-konsultazzjoni tal-lista ta' fallimenti fil-Lussemburgu issir bi ħlas?

Il-lista ta' fallimenti ddikjarati tiġi ppubblikata kull xahar f'Mémorial B  - Ġabra amministrattiva u ekonomika u tista' tiġi kkonsultata mingħajr ħlas fuq Legilux, il-portal ġuridiku tal-Lussemburgu.

Barra minn hekk, ir-RCS ipoġġi għad-dispożizzjoni tal-pubbliku fuq is-sit elettroniku tiegħu, taħt it-taqsima "Konsultazzjonijiet - statistiċi tar-reġistru", modulu statistiku li jagħti tagħrif dwar is-sentenzi tal-fallimenti li ġew irreġistrati fir-RCS matul xahar partikolari. Dan it-tagħrif huwa disponibbli taħt forma ta' listi ta' reġistrazzjonijiet imwettqa. Huwa disponibbli wkoll estratt ta' din l-informazzjoni f'forma ta' fajl.

Kif issib informazzjoni dwar il-fallimenti fil-Lussemburgu?

L-ewwel metodu: Tista' ssir tiftixa fuq is-sit elettroniku tar- reġistru tal-kummerċ u tal-kumpaniji (RCS) permezz tal- isem (jew parti mill-isem) jew tan- numru ta' reġistrazzjoni tal-persuna rreġistrata.

Il-mutur tat-tiftix tas-sit elettroniku hekk itella' l-lista tal-ismijiet li jikkorrispondu mat-tiftixa mwettqa.

Jekk wieħed jagħfas fuq l-isem ta' waħda mill-persuni rreġistrati, tingħata mingħajr ħlas l-informazzjoni bażika li ġejja:

• in-numru RCS,
• id-data ta' reġistrazzjoni,
• l-isem,
• il-forma ġuridika,
• l-indirizz tal-uffiċċju prinċipali,
• lista ta' dokumenti rreġistrati mill-2003,
• kif ukoll tagħrif dwar jekk il-persuna hix fi stat ta' falliment jew le.

it-tieni metodu: Tista' ssir tiftixa permezz tas-sit elettroniku tar-reġistru tal-kummerċ u tal-kumpanniji (RCS) taħt it-taqsima "Konsultazzjonijiet - statistiċi tar-reġistru", permezz ta' statistiċi li jagħtu tagħrif dwar is-sentenzi li jiddikjaraw il-falliment li ġew irreġistrati fir-RCS matul xahar partikolari.

It-tielet metodu: Tista' ssir tiftixa permezz tas-sit elettroniku tal-Kamra tal-Avukati tal-Lussemburgu taħt it-taqsima "Fallimenti" bbażata fuq l-isem tal-kumpanija, id-data tas-sentenza ta' falliment u permezz tal-isem tal-istralċarju.

Ħoloq relatati

Ir-reġistru tal-kummerċ u tal-kumpaniji

Il-Kamra tal-Avukati tal-Lussemburgu

X’joffri r-reġistru ta' insolvenza tal-Ungerija?

Fl-Ungerija, il-Gvern ħatar lis-Servizz ta’ Informazzjoni dwar il-Kumpaniji u ta’ Reġistrazzjoni Elettronika tal-Kumpaniji (Céginformációs és az Elektronikus Cégeljárásban Közreműködő Szolgálat) tal-Ministeru tal-Ġustizzja bħala l-korp responsabbli għall-istabbiliment u t-tħaddim tar-reġistru ta' insolvenza.

Dan il-korp juża l-Magyar Közlöny Lap- és Könyvkiadó Kft. [l-uffiċċju tal-pubblikazzjonijiet uffiċjali Ungeriż] biex iwettaq kompiti ta’ pproċessar tad-data, żvilupp tal-IT, operazzjonijiet tekniċi u sigurtà tal-bażi tad-data teknika.

Ir-reġistru ta' insolvenza huwa disponibbli fis-sit https://fizeteskeptelenseg.im.gov.hu/.

Ir-reġistru ta' insolvenza fih dettalji tal-operaturi ekonomiċi u tal-organizzazzjonijiet tas-soċjetà ċivili kollha li jkunu nfetħu proċedimenti ta’ insolvenza kontrihom fl-Ungerija.

Il-proċedimenti ta’ insolvenza fl-Ungerija huma regolati bl-Att XLIX tal-1991 dwar proċedimenti ta’ falliment u likwidazzjoni. L-Att CLXXV tal-2011 dwar l-organizzazzjonijiet tas-soċjetà ċivili japplika għall-proċedimenti ta’ falliment u ta' likwidazzjoni kontra organizzazzjonijiet tas-soċjetà ċivili (assoċjazzjonijiet u fondazzjonijiet), iżda l-aspetti l-oħra kollha huma regolati bl-Att XLIX tal-1991.

L-aċċess għar-reġistru ta' insolvenza tal-Ungerija huwa mingħajr ħlas?

Ma hija imposta l-ebda tariffa jew spiża għall-aċċess għad-data fir-reġistru ta' insolvenza. Kwalunkwe persuna li tikkonsulta r-reġistru ta' insolvenza trid tiddikjara minn qabel li d-data li tfittex fir-reġistru ma tkunx ser tintuża għal skopijiet kummerċjali jew biex tinħoloq bażi ta’ data biex tintuża għal skopijiet bħal dawn.

F’konformità mal-Artikolu 6/N tal-Att XLIX tal-1991, ir-reġistru jinkludi l-informazzjoni li ġejja:

• id-data tal-ftuħ tal-proċedimenti ta’ insolvenza;
• il-qorti li tiftaħ il-proċedimenti ta’ insolvenza u n-numru ta’ referenza tal-każ;
• is-sottotip ta’ proċedimenti ta’ insolvenza miftuħa – fl-Ungerija, proċedimenti ta’ falliment jew likwidazzjoni;
• ir-regoli ta’ ġuriżdizzjoni li jippermettu l-ftuħ tal-proċedimenti (proċedimenti prinċipali ta’ insolvenza jew proċedimenti sekondarji ta’ insolvenza);
• jekk id-debitur ikun kumpanija jew persuna ġuridika, l-isem tad-debitur, in-numru tar-reġistrazzjoni, l-uffiċċju reġistrat jew, jekk ikun differenti, l-indirizz postali;
• l-isem, l-indirizz postali jew l-indirizz elettroniku tal-prattikant fl-insolvenza (riċevitur jew likwidatur) maħtur fil-proċedimenti;
• il-limitu taż-żmien għall-preżentazzjoni tat-talbiet, jekk ikun hemm, jew referenza għall-kriterji biex jiġi kkalkulat dak il-limitu taż-żmien;
• id-data tal-għeluq tal-proċedimenti prinċipali ta’ insolvenza, jekk ikun hemm;
• il-qorti li quddiemha u, fejn applikabbli, il-limitu taż-żmien sa meta għandha tiġi ppreżentata kontestazzjoni tad-deċiżjoni li tiftaħ proċedimenti ta’ insolvenza skont l-Artikolu 5, jew referenza għall-kriterji biex jiġi kkalkulat dak il-limitu taż-żmien;
• il-ftuħ u l-għeluq ta’ azzjonijiet revokatorji li jikkonċernaw l-assi tad-debitur, l-isem tal-qorti rilevanti u n-numru tal-każ;
• il-ftuħ u l-għeluq ta’ azzjonijiet biex tiġi stabbilita r-responsabbiltà tad-diretturi, tad-diretturi preċedenti, tal-membri jew tas-sidien tal-persuna ġuridika ta’ debitur għal attivitajiet min-naħa tagħhom li għamlu ħsara lill-interessi tal-kredituri, l-isem tal-qorti rilevanti u n-numru tal-każ;
• jekk il-proċedimenti twettqux bħala proċedimenti ta’ likwidazzjoni simplifikati.

Kif tfittex fir-reġistru ta' insolvenza tal-Ungerija

Il-kriterju tat-tfittxija jista’ jintgħażel minn menu li jinżel. Bl-użu tal-menu li jinżel, huwa possibbli li wieħed ifittex fir-reġistru ta' insolvenza billi jdaħħal wieħed minn dawn li ġejjin:

• isem id-debitur;
• in-numru tar-reġistrazzjoni tal-kumpanija/in-numru tar-reġistrazzjoni tal-organizzazzjoni tas-soċjetà ċivili;
• in-numru tal-każ tal-proċedimenti.

Informazzjoni dettaljata dwar it-tiftix tista’ tinstab fis-sit https://fizeteskeptelenseg.im.gov.hu/#/help.

Skont il-leġiżlazzjoni attwali, mhuwiex possibbli tiftix dirett ta’ data bil-massa jew tniżżil ta’ data mir-reġistru ta' insolvenza.

X'joffri s-Servizz tal-Insolvenza ta' Malta?

Is-Servizz tal-Insolvenza ta' Malta joffri dettalji dwar kawzi fil-Qrati Maltin dwar insolvenza ta' kumpaniji jew falliment ta' individwi kif ukoll dettalji dwar informazzjoni li jirċievi r-Reġistratur tal-Kumpaniji dwar dikjarazzjonijiet ta' insolvena mid-diretturi ta' kumpaniji fi stat ta' insolvenza.

L-aċċess għal dan ir-Reġistru huwa mingħajr ħlas?

L-aċċess għal dan ir-Reġistru huwa mingħajr ħlas u r-Reġistru huwa aċċessibbli minn din il-link:

https://ecourts.gov.mt/onlineservices/Insolvencies

Kif tfittex fir-Reġistru tal-Insolvenza?

Tista' tfittex fir-Reġistru tal-Insolvenza jew bl-isem tad-debitur jew bin-numru tal-Karta tal-Identita' tiegħu jew bin-numru ta' reġistrazzjoni tal-kumpanija.

L-istorja tas-Servizz tal-Insolvenza ta' Malta

Qabel ma sar dan ir-Reġistru tal-Insolvenza, l-informazzjoni dwar kumpaniji fi stat ta' insolvenza kienet tinzamm mir-Reġistratur tal-Kumpaniji filwaqt li l-informazzjoni dwar kawzi ta' insolvenza u ta' falliment kienet tinzamm mill-Qorti. L-informazzjoni mizmuma mill-Qorti kienet tiġi ppublikata fil-website fejn tiġi ppublikata informazzjoni dwar il-kawzi in ġenerali. Ir-Reġistru tal-Insolvenza sar aċċessibbli għall-pubbliku f'Jannar 2018 u fih dettalji dwar insolvenza u falliment li jmorru lura għall-1 ta' Jannar 2014.

Links relatati

https://ecourts.gov.mt/onlineservices/Insolvencies

X’informazzjoni fih ir-Reġistru Netherlandiż tal-Insolvenza?

Fin-Netherlands hemm ħames tipi ta’ proċedimenti ta’ insolvenza:

• Falliment
• Moratorju (jew “sospensjoni ta’ ħlas”)
• Serħan mid-dejn għal persuni fiżiċi
• Proċedura pubblika ta’ saldu mhux ta’ falliment
• Proċedura ristretta ta’ saldu mhux ta’ falliment

Il-qrati huma responsabbli biex jiddeċiedu dwar dawn it-tipi ta’ proċedimenti ta’ insolvenza. Huma responsabbli wkoll għat-trażmissjoni (awtomatizzata) ta’ notifiki relatati ma’ dawn il-proċedimenti ta’ insolvenza lill-Kunsill għall-Ġudikatura (Raad voor de rechtspraak). Għal proċeduri ristretti ta’ saldu mhux ta’ falliment biss ma hemmx notifika, minħabba n-natura ristretta ta’ dawn il-proċeduri. Il-Kunsill għall-Ġudikaturi juża dawn in-notifiki għar-Reġistru Ċentrali tal-Insolvenza (CIR)

Is-CIR fih l-informazzjoni kollha min-notifiki tal-insolvenza ppubblikati, inklużi:

• Dettalji personali
• Ismijiet tal-kumpaniji
• Numri tal-Kamra tal-Kummerċ (Kamer van Koophandel)
• Dettalji ta’ kuraturi u amministraturi
• In-notifiki preċedenti kollha

Barra minn hekk, għal sospensjonijiet ta’ ħlas u serħan mid-dejn, il-qrati jżommu din l-informazzjoni fir-reġistri tagħhom.

Dikjarazzjoni ta’ ċaħda ta’ responsabbiltà tar-Reġistru Netherlandiż tal-Insolvenza

Ir-Reġistru Ċentrali tal-Insolvenza fih informazzjoni pprovduta mill-varji qrati dwar fallimenti, sospensjonijiet ta’ ħlas u kanċellazzjonijiet ta’ dejn relatati ma’ persuni fiżiċi (individwi privati), u proċeduri pubbliċi ta’ saldu mhux ta’ falliment.

L-aċċess għar-Reġistru Netherlandiż tal-Insolvenza huwa mingħajr ħlas?

Iva, l-aċċess huwa mingħajr ħlas.

Ma hemmx restrizzjonijiet fuq l-aċċess għas-CIR online.

Servizz online huwa disponibbli għal utenti kummerċjali biex jinformahom aktar malajr dwar l-aħħar pubblikazzjonijiet mir-reġistru.

Kif jista’ jsir it-tiftix fir-Reġistru Netherlandiż Kummerċjali?

Tista’ tfittex persuni fiżiċi biss b’dawn li ġejjin:

• Isem u data tat-twelid
• Isem, kodiċi postali u numru tad-dar
• Data tat-twelid, kodiċi postali u numru tad-dar

Tista’ tfittex persuni ġuridiċi/ismijiet tal-kumpaniji b’dawn li ġejjin:

• Isem tal-persuna ġuridika/isem tal-kumpanija
• Numru tal-Kamra tal-Kummerċ
• Kodiċi postali u numru tad-dar/numru tal-kaxxa postali

Tista’ tfittex ukoll bid-data, qorti distrettwali, tip ta’ pubblikazzjoni, referenza ta’ pubblikazzjoni jew numru ta’ insolvenza.

Is-CIR fih ħarsa ġenerali separata ta’ proċeduri pubbliċi ta’ saldu mhux ta’ falliment.

L-istorja tar-Reġistru Netherlandiż tal-Insolvenza

Is-CIR daħal fis-seħħ uffiċjalment fl-1 ta’ Jannar 2005. Il-każijiet kollha li seħħew jew ġew innotifikati wara dik id-data jistgħu jiġu kkonsultati fis-CIR u jibqgħu aċċessibbli hemm sa 6 xhur wara l-għeluq tal-proċedimenti ta’ insolvenza.

Links relatati

Reġistru Ċentrali tal-Insolvenza fin-Netherlands

X’informazzjoni fih ir-reġistru tal-insolvenza?

Ir-reġistru tal-insolvenza Awstrijak, imsejjaħ “Insolvenzdatei”, huwa proprjetà tal-Ministeru Federali tal-Ġustizzja u miżmum minnu. Dan għandu informazzjoni dwar il-bidu ta’ proċedimenti ta’ insolvenza u l-passi proċedurali prinċipali fil-proċess.

Ir-reġistru huwa ppubblikat taħt l-intestatura Ediktsdatei.

L-aċċess għal dan ir-reġistru huwa mingħajr ħlas?

Iva.

Kif tfittex ir-reġistru tal-insolvenza Awstrijak

Informazzjoni dettaljata hija disponibbli, bil-Ġermaniż biss, fuq is-sit web tal-Ministeru Federali tal-Ġustizzja, taħt l-intestatura Ediktsdatei [bażi tad-data dwar avviżi legali].

L-istorja tar-reġistru tal-insolvenza

Ir-reġistru tal-insolvenza Awstrijak ilu jinżamm mill-1999.

Links relatati

L-organizzazzjoni tal-qrati – l-Awstrija

Figyelem: az oldal eredeti nyelvű változata nemrég módosult. Az Ön által kiválasztott nyelvi változatot most készítik fordítóink.
Az oldal jelenleg a következő nyelveken olvasható: .

Reġistri dwar il-fallimenti u l-insolvenza - Polonja

Din it-taqsima tagħtik introduzzjoni qasira tar-Reġistru Pollakk tal-Falliment.

X’joffri r-Reġistru Pollakk tal-Falliment?

Il-websajt tar-Reġistru Pollakk tal-Falliment [rejestr podmiotów w upadłości] hija meqjusa bħala parti mir-Reġistru Nazzjonali tal-Qorti [Krajowy Rejestr Sądowy]. Hija tinkludi l-istess tip ta’ informazzjoni fuq kumpaniji li huma normalment inklużi fir-Reġistru Nazzjonali tal-Qorti, kif ukoll dettalji dwar:

• kumpaniji
• fondazzjonijiet
• assoċjazzjonijiet
• entitajiet oħra li ddikjaraw il-falliment tagħhom.

Informazzjoni dwar id-dati u l-kontenut speċifiku ta’ avviżi ta’ falliment hija disponibbli wkoll fuq ir-reġistru.

Ir-reġistru tal-falliment huwa proprjetà ta’ u miżmum mill-Ministeru tal-Ġustizzja tal-Polonja, u l-informazzjoni li fih hija disponibbli bil-Pollakk u, parzjalment, bl-Ingliż.

L-aċċess għar-Reġistru Pollakk tal-Falliment huwa mingħajr ħlas?

Iva, l-aċċess għar-reġistru hu bla ħlas.

Kif tifttex fir-Reġistru Pollakk tal-Falliment

Mill-1 ta’ April 2009, ir-Reġistru Pollakk tal-Falliment jinkludi għodda ġdida għat-tfittxijiet li tagħmilha possibbli li wieħed ifittex għal entitajiet falluti u termini oħra.

X’jinkludi r-reġistru ta' insolvenza?

Ir-reġistru ta' insolvenza elettroniku jinkludi l-informazzjoni li ġejja:

• In-numru tal-każ tal-insolvenza
• L-identifikazzjoni tal-qorti fejn kien jew ikun qiegħed jinstema’ l-każ ta’ insolvenza
• L-identifikazzjoni tal-persuna insolventi
• L-identifikazzjoni tal-amministratur għall-insolvenza
• Il-limitu taż-żmien għall-preżentazzjoni tat-talbiet
• Id-data li fiha kienet iddikjarata l-insolvenza

Ir-reġistru elettroniku jipprovdi informazzjoni dettaljata dwar il-każijiet ta’ insolvenza (ara hawn taħt).

Hemm xi ħlas għall-konsultazzjoni tar-reġistru ta' insolvenza Portugiż?

Le, il-konsultazzjoni tar-reġistru ta' insolvenza hija mingħajr ħlas.

Leġiżlazzjoni dwar ir-reġistru ta' insolvenza

Ir-reġistru ta' insolvenza Portugiż huwa regolat bl-Artikolu 38 tal-Código da Insolvência e da Recuperação de Empresas (Kodiċi tal-Insolvenza u tal-Irkupru Korporattiv), adottat bid-Digriet Amministrattiv Nru 53/2004 tat-18 ta’ Marzu 2004, kif emendat.

X’informazzjoni jipprovdi r-Reġistru Rumen tal-Insolvenza?

Il-proċedimenti ta' insolvenza fir-Rumanija

Il-Bullettin dwar il-Proċedimenti tal-Insolvenza (BPI), ippubblikat elettronikament mill-Uffiċċju Nazzjonali tar-Reġistru tan-Negozju, iħarrek il-partijiet, joħroġ avviżi u konvokazzjonijiet, u jipprovdi notifiki tal-atti proċedurali maħruġa mill-qrati u l-amministraturi tal-insolvenza/likwidaturi waqt il-proċedimenti tal-insolvenza skont il-Liġi Nru 85/2014 dwar il-prevenzjoni tal-insolvenza u l-proċedimenti tal-insolvenza.

“Debituri — persuni fiżiċi b’obbligi li ma jirriżultawx mill-operat ta’ impriża” hija taqsima tal-Bullettin dwar il-Proċedimenti ta’ Insolvenza, ippubblikat elettronikament mill-Uffiċċju Nazzjonali tar-Reġistru tan-Negozju, li l-għan tagħha huwa li tippubblika, f’konformità mal-leġiżlazzjoni dwar il-protezzjoni tad-data personali, id-deċiżjonijiet tal-kumitat tal-insolvenza u s-sentenzi tal-qorti, kif ukoll atti oħrajn li l-pubblikazzjoni tagħhom hija prevista mid-dispożizzjonijiet tal-Liġi Nru 151/2015 dwar l-insolvenza ta’ persuni fiżiċi;

Proċedura ta’ insolvenza għal persuni ġuridiċi:

Il-proċedura ġenerali tal-insolvenza tapplika:

1. għall-professjonisti (dawk kollha li joperaw impriża), bl-eċċezzjoni ta’ dawk li jipprattikaw il-professjonijiet liberi u dawk li hemm dispożizzjonijiet speċjali relatati mar-reġim tal-insolvenza għalihom.

Il-proċedura ssimplifikata tal-insolvenza tapplika:

1. għall-professjonisti;

• il-kummerċjanti waħdiena;
• il-kumpaniji b’membru wieħed u għan-negozji tal-familja.

2. għad-debituri li jissodisfaw għadd ta’ kriterji speċifiċi, jiġifieri:

• ma jkollhomx assi;
• id-dokumenti kostituttivi jew tal-kontijiet ma jkunux jistgħu jinstabu;
• l-amministratur ma jkunx jista’ jinstab;
• l-uffiċċju rreġistrat ma jkunx għadu jeżisti jew ma jkunx għadu l-istess wieħed li hemm irreġistrat fir-reġistru kummerċjali; ma jkunux ppreżentaw id-dokumenti rikjesti mil-liġi;
• ikunu s-suġġett ta’ xoljiment qabel ma jiġi ppreżentat ir-rikors;
• ikunu ddikjaraw l-intenzjoni tagħhom li jfallu jew ma jkunux intitolati għal riorganizzazzjoni ġudizzjarja.

Mill-aħħar ta’ Ġunju 2014 ’l hawn, il-proċedura tal-insolvenza għall-persuni ġuridiċi hija rregolata mil-Liġi Nru 85/2014 dwar il-prevenzjoni tal-insolvenza u il-proċedimenti tal-insolvenza, li d-dispożizzjonijiet tagħha japplikaw għall-proċessi legali mibdija wara d-dħul fis-seħħ tagħha. Il-proċessi legali mibdija qabel id-dħul fis-seħħ tal-Liġi Nru 85/2014 għadhom soġġetti għad-dispożizzjonijiet tal-Liġi Nru 85/2006 dwar il-proċedimenti tal-insolvenza.

Il-proċedura ta’ insolvenza ta’ persuni fiżiċi, irregolata mid-dispożizzjonijiet tal-Liġi Nru 151/2015 dwar l-insolvenza ta’ persuni fiżiċi, fis-seħħ mill-1 ta’ Jannar 2018, għandha tapplika għal debitur fiżiku li l-obbligi tiegħu ma jirriżultawx mill-operat ta’ impriża u li:

• kien domiċiljat/residenti/abitwalment residenti fir-Rumanija għal mill-inqas 6 xhur qabel is-sottomissjoni tat-talba;
• ikun insolventi;
• ikollu ammont totali ta’ obbligi pendenti mill-inqas ugwali għall-valur tal-livell limitu (15-il paga minima għal kull ekonomija).

Il-proċedura ta’ insolvenza għal persuni fiżiċi tista’ tkun:

• proċedimenti abbażi tal-pjan tar-ripagament tad-dejn;
• proċedimenti ġudizzjarji ta’ insolvenza permezz tal-likwidazzjoni tal-assi;
• proċedimenti ta’ insolvenza simplifikati.

Il-Bullettin dwar il-Proċedimenti tal-Insolvenza

X’informazzjoni jinkludi?

Il-Bullettin dwar il-Proċedimenti tal-Insolvenza fih l-atti proċedurali kollha maħruġa mill-qrati u mill-amministraturi tal-insolvenza/likwidaturi matul il-proċedimenti tal-insolvenza, jiġifieri:

• taħrikiet;
• komunikazzjonijiet;
• avviżi;
• avviżi ta’ laqgħat;
• sentenzi;
• atti proċedurali oħrajn meħtieġa mil-liġi (rapporti maħruġa mill-amministratur tal-insolvenza/likwidatur, pjanijiet ta’ riorganizzazzjoni ġudizzjarja, tħabbir).

It-Taqsima “Debituri — persuni fiżiċi b’obbligi li ma jirriżultawx mill-operat ta’ impriża” tal-Bullettin dwar il-Proċedimenti tal-Insolvenza tinkludi dokumenti proċedurali previsti għall-pubblikazzjoni skont il-Liġi Nru 151/2015 dwar l-insolvenza ta’ persuni fiżiċi.

kif inhu strutturat is-sit web tal-Bullettin dwar il-Proċedimenti tal-Insolvenza?

Is-sit tal-Bullettin dwar il-Proċedimenti tal-Insolvenza jinkludi aċċess għal dan li ġej:

• informazzjoni bla ħlas;
• informazzjoni rigward l-istruttura tal-Uffiċċju tar-Reġistru tal-Kummerċ Nazzjonali, id-Direttorat għall-Bullettin dwar il-Proċedimenti tal-Insolvenza;
• leġiżlazzjoni speċifika, formoli pprovduti/ippubblikati mill-Bullettin u atti proċedurali.

Is-sit tal-Bullettin dwar il-Proċedimenti tal-Insolvenza (BPI) tinkludi t-taqsimiet li ġejjin:

• informazzjoni rigward l-istabbiliment tal-BPI;
• atti leġiżlattivi;
• organigramma tal-Uffiċċju tar-Reġistru tal-Kummerċ Nazzjonali, l-uffiċċji tar-reġistri tal-kummerċ marbutin mal-qrati u l-BPI;
• dizzjunarju ġuridiku (insolvenza);
• data statistika mill-BPI;
• tariffi;
• informazzjoni ta’ kuntatt.

Il-formoli tal-Bullettin dwar il-Proċedimenti tal-Insolvenza jistgħu jiġu aċċessati mill-portal tas-servizzi elettroniċi tal-Uffiċċju tar-Reġistru tal-Kummerċ Nazzjonali fit-taqsima ddedikata għall-Bulettin dwar il-Proċedimenti tal-Insolvenza, li hija strutturata kif ġej:

1. Servizzi BPI:

• “Bullettin dwar il-Proċedimenti tal-Insolvenza online” (bi ħlas);
• “Taqsira tal-ħarġa tal-BPI” (informazzjoni bla ħlas);
• “Persuni ppubblikati fil-BPI” (informazzjoni bla ħlas).

2. Formoli relatati mal-attivitajiet ta’ pubblikazzjoni tal-BPI:

• Formoli online għall-pubblikazzjoni fil-BPI;
• Formoli offline għall-pubblikazzjoni fil-BPI.

3. Formoli relatati mal-attivitajiet ta’ disseminazzjoni tal-informazzjoni tal-BPI:

• Formoli online biex tingħata informazzjoni lill-BPI;
• Formoli offline biex tingħata informazzjoni lill-BPI.

4. Statistika

L-aċċess għar-Reġistru tal-Insolvenza tar-Rumanija huwa bla ħlas?

Il-Bullettin dwar il-Proċedimenti tal-Insolvenza jiġi ppubblikat f’format elettroniku. Il-verżjoni elettronika tal-Bullettin tinsab online:

• fit-taqsima tal-Bullettin dwar il-Proċedimenti tal-Insolvenza tal-portal tas-servizzi elettroniċi tal-Uffiċċju tar-Reġistru tal-Kummerċ Nazzjonali

L-aċċess għas-servizzi pprovduti mill-BPI huwa divrenzjat:

• l-utenti jistgħu jidħlu fis-sit web uffiċjali tal-Bullettin dwar il-Proċedimenti tal-Insolvenza bla ħlas u mingħajr ma jirreġistraw;
• l-aċċess għall-portal tas-servizzi elettroniċi tal-Uffiċċju tar-Reġistru tal-Kummerċ Nazzjonali jirrikjedi li wieħed jirreġistra bħala utent;
• l-aċċess għall-“Bullettin dwar il-Proċedimenti tal-Insolvenza online” jingħata malli wieħed jirreġistra bħala utent u jħallas l-abbonament;
• l-aċċess għat-“taqsira tal-ħarġa tal-BPI” u l-“Persuni ppubblikati fil-BPI” huwa bla ħlas u jirrikjedi biss li wieħed jirreġistra bħala utent.
• L-aċċess għas-servizzi: It-Taqsima “Persuni ppubblikati fil-BPI” u t-taqsima “Debituri — persuni fiżiċi b’obbligi li ma jirriżultawx mill-operat ta’ impriża” jeħtieġu awtentikazzjoni u huma mingħajr ħlas għad-debituri, il-kredituri, l-amministraturi tal-proċedimenti u l-likwidaturi (f’kull kawża ta’ insolvenza fejn ikollhom waħda minn dawn il-kapaċitajiet), u għall-kumitati tal-insolvenza u l-qrati, l-aċċess għall-kawżi kollha ta’ insolvenza huwa mingħajr ħlas.

Kif tfittex fir-Reġistru tal-Insolvenza Rumen

Fil-“Bullettin dwar il-Proċedimenti tal-Insolvenza online”, it-tiftix jista’ jsir: bl-użu tan-numru u s-sena tal-pubblikazzjoni ta’ ħarġa tal-BPI, b’isem il-persuna ppubblikata fil-BPI, bin-numru ta’ identifikazzjoni tat-taxxa, bin-numru tar-reġistrazzjoni tar-Reġistru tal-Kummerċ, bin-numru ta’ referenza tal-kawża l-qorti jew bl-intervall tal-pubblikazzjoni tal-BPI. B’abbonament bil-ħlas, l-abbonati jistgħu jaċċessaw ħarġiet antiki li jkun fihom atti proċedurali fis-sħiħ.

Wieħed jista’ jfittex it-“taqsira ta’ ħarġa tal-BPI” bin-numru u d-data tal-ħarġa tal-BPI. L-informazzjoni li ġejja tista’ tiġi aċċessata bla ħlas:

• it-tip ta’ att proċedurali ppubblikat fil-Bullettin (pereżempju: taħrika, deċiżjoni għall-ftuħ ta’ proċedimenti ta’ insolvenza, notifika tal-ftuħ ta’ proċedimenti ta’ insolvenza, konvokazzjoni għal laqgħa tal-kredituri, rapport ta’ attività, pjan ta’ riorganizzazzjoni, deċiżjoni għall-ftuħ ta’ proċedimenti ta’ falliment, notifika ta’ ftuħ ta’ proċedimenti ta’ falliment, pjan ta’ distribuzzjoni, rapport finali, deċiżjoni biex jingħalqu proċedimenti ta’ insolvenza, eċċ.);
• isem il-persuna ppubblikata fil-BPI;
• il-kontea li l-persuna ġuridika ppubblikata fil-BPI għandha l-uffiċċju rreġistrat tagħha fil-ġuriżdizzjoni tagħha;
• in-numru ta’ referenza tat-taxxa;
• in-numru tal-entrata fir-reġistru.

Tista’ tfittex fis-servizz “Persuni ppubblikati fil-BPI” bl-użu tan-numru u s-sena tal-pubblikazzjoni ta’ ħarġa tal-BPI, b’isem id-debitur, bin-numru ta’ identifikazzjoni tat-taxxa, bin-numru tar-reġistrazzjoni tar-Reġistru tal-Kummerċ, bin-numru ta’ referenza tal-kawża l-qorti jew bl-intervall tal-pubblikazzjoni tal-BPI. L-informazzjoni li ġejja tista’ tiġi aċċessata bla ħlas:

• isem;
• in-numru ta’ referenza tat-taxxa;
• numru ta’ reġistrazzjoni tal-persuna ppubblikata fil-BPI;
• il-kontea li l-persuna ġuridika ppubblikata fil-BPI għandha l-uffiċċju rreġistrat tagħha fil-ġuriżdizzjoni tagħha;
• in-numru tal-kawża tal-insolvenza u isem il-qorti li l-kawża tkun irreġistrata għandha;
• in-numri/snin tal-bullettini li d-dokumenti proċedurali ġew ippubblikati fihom;
• it-tip ta’ proċedimenti ta’ insolvenza;
• id-data tal-ewwel seduta stabbilita wara li jinfetħu l-proċedimenti ta' insolvenza, meta tkun applikabbli.

Tista’ tfittex fis-servizz “Persuni ppubblikati fil-BPI” fit-taqsima “Debituri — persuni fiżiċi b’obbligi li ma jirriżultawx mill-operat ta’ impriża” bil-kunjom, bl-isem, bin-numru tal-identifikazzjoni personali, bid-data tat-twelid u l-post tat-twelid tad-debitur, bin-numru u s-sena tal-pubblikazzjoni ta’ ħarġa tal-BPI, bin-numru tal-atti tal-insolvenza, bl-intervall tal-pubblikazzjoni. L-informazzjoni li ġejja hija aċċessibbli:

• kunjom u isem id-debitur fiżiku;
• in-numru ta’ identifikazzjoni personali tad-debitur;
• l-indirizz tad-debitur;
• id-data tal-identifikazzjoni u l-indirizz tal-amministratur proċedurali/tal-likwidatur;
• dokumenti proċedurali ppubblikati - isem, numru u data, qorti/kumitat tal-insolvenza, numru u data tal-bullettin, tip ta’ proċedimenti ta’ insolvenza.

Tista’ tfittex fit-taqsima “Debituri — persuni fiżiċi b’obbligi li ma jirriżultawx mill-operat ta’ impriża” tal-BPI bil-kunjom, bl-isem, bin-numru tal-identifikazzjoni personali, bid-data tat-twelid u l-post tat-twelid tad-debitur, bin-numru u s-sena tal-pubblikazzjoni ta’ ħarġa tal-BPI, bin-numru tal-atti tal-insolvenza, bl-intervall tal-pubblikazzjoni. F’dik it-taqsima n-numri li d-dokumenti proċedurali jingħataw bihom huma aċċessibbli.

L-istorja tar-Reġistru tal-Insolvenza Rumen

Il-Bullettin dwar il-Proċedimenti tal-Insolvenza ġie stabbilit fl-2006, skont il-Liġi Nru 86/2006 dwar il-proċedimenti tal-insolvenza.

It-taqsima intitolata “Debituri — persuni fiżiċi b’obbligi li ma jirriżultawx mill-operat ta’ impriża” ilha inkluża fil-BPI mill-2018.

L-għan prinċipali tal-Bullettin dwar il-Proċedimenti tal-Insolvenza Rumen huwa l-ottimizzazzjoni kontinwa tas-sistema elettronika tat-taħrikiet, l-avviżi, il-konvokazzjonijiet u n-notifiki tal-atti proċedurali ppubblikati.

Il-benefiċċji tar-Reġistru tal-Insolvenza Rumen

Il-pubblikazzjoni tal-Bullettin dwar il-Proċedimenti tal-Insolvenza għandha benefiċċji ċari:

• taċċellera l-proċedimenti tal-insolvenza u tissimplifika l-komunikazzjoni tat-taħrikiet, il-konvokazzjonijiet, in-notifiki, id-deċiżjonijiet tal-qorti u atti proċedurali oħrajn maħruġa mill-qrati u l-amministraturi tal-insolvenza/likwidaturi, u b’hekk tistabbilixxi proċedura ta’ komunikazzjoni elettronika;
• tgħaqqad u tistandardizza l-atti proċedurali maħruġa mill-qrati u l-amministraturi tal-insolvenza/likwidaturi;
• tikkontribwixxi għall-iżvilupp ta’ bażi ta’ data nazzjonali ta’ atti proċedurali maħruġin mill-qrati u l-amministraturi tal-insolvenza/likwidaturi (jiġifieri taħrikiet, avviżi, deċiżjonijiet tal-qorti, konvokazzjonijiet, notifiki, rapporti, pjanijiet ta’ riorganizzazzjoni);
• tiffaċilita d-dħul malajr fir-Reġistru tal-Kummerċ/reġistri oħrajn tan-notifiki tal-insolvenza maħruġin skont il-Liġi Nru 85/2014 dwar il-prevenzjoni tal-insolvenza u l-proċedimenti tal-insolvenza li jridu jiġu rreġistrati fir-reġistru;
• tagħti aċċess lill-persuni interessati għall-atti proċedurali maħruġa mill-qrati u l-amministraturi tal-insolvenza/likwidaturi.

Ħoloq rilevanti

Is-sit web uffiċjali tal-Bullettin dwar il-Proċedimenti tal-Insolvenza tar-Rumanija

Is-sit uffiċjali tar-Reġistru tal-Kummerċ tar-Rumanija

It-Taqsima “Debituri — persuni fiżiċi b’obbligi li ma jirriżultawx mill-operat ta’ impriża” tal-Bullettin dwar il-Proċedimenti ta’ Insolvenza

Il-portal tas-servizzi elettroniċi tal-Uffiċċju tar-Reġistru tal-Kummerċ Nazzjonali Rumen

X'joffri r-reġistru ta’ insolvenza Sloven?

Il-bażi tad-dejta e-INSOLV tagħti informazzjoni dwar ir-reviżjoni ta’ proċedimenti ta’ insolvenza. Tipprovdi wkoll id-dejta li ġejja dwar il-proċedimenti ta’ insolvenza:

• għażla ta' dejta ta’ identifikazzjoni dwar id-debitur insolventi,
• il-qorti li tkun qed tmexxi l-proċedimenti u n-numru tal-fajl tal-każ,
• għażla ta' dejta ta’ identifikazzjoni dwar l-amministratur tal-proċedimenti ta’ insolvenza,
• il-ftuħ tal-proċedimenti, l-iskadenza taż-żmien biex jitressaq rikors u dejta dwar atti proċedurali oħra fil-proċedimenti,
• fil-każ ta’ proċediment ta’ falliment, dejta dwar il-valur tal-patrimonju fallut u l-proporzjonijiet ta’ rimborż għall-kredituri.

Il-bażi tad-dejta e-Publications tagħti aċċess għal:

• l-ordnijiet kollha tal-qrati (singular: sklep; plural: sklepi) maħruġa għal proċedimenti ta’ insolvenza, ħlief għall-ordnijiet dwar il-ġbir ta’ rimunerazzjonijiet regolari, l-ordnijiet dwar il-qbid ta’ assi finanzjarji, l-ordnijiet dwar it-terminazzjoni ta’ ġbir ta’ rimunerazzjonijiet regolari jew il-qbid ta’ assi finanzjarji;
• avviżi dwar il-ftuħ tal-proċedimenti, avviżi dwar l-iffissar tas-smigħ, kif ukoll avviżi oħra jew sejħiet għal vot maħruġa skont il-liġi minn qorti;
• il-minuti kollha tas-smigħ u tal-laqgħat tal-kumitat tal-kredituri;
• ir-rapporti tal-amministratur u dokumenti mehmuża;
• fi proċedimenti ta’ soluzzjoni mandatorja, ir-rapporti wkoll tad-debitur insolventi u dokumenti mehmuża;
• listi ta’ rikorsi ppruvati;
• rikorsi mressqa mill-partijiet tal-proċedimenti u dokumenti oħra tal-qorti, li l-pubblikazzjoni tagħhom hija prevista;
• fi proċedimenti ta’ falliment, is-sejħiet kollha għal subbasta pubblika u stediniet biex isiru offerti għar-realizzazzjoni tal-patrimonju fallut.

Barra minn dan, jistgħu jinkisbu lista tal-amministraturi kollha(seznam vseh upraviteljev) u tal-proċedimenti ta’ insolvenza (seznam upraviteljev) li dawn ikunu qed jittrattaw mill-bażi tad-dejta e-Publications. Il-listi jiġu aġġornati kuljum.

Iż-żewġ bażijiet tad-dejta huma proprjetà ta'AJPES u ġestiti minnha, l-Aġenżija tar-Repubblika Slovena għar-Rekords Pubbliċi Ġuridiċi u Servizzi Relatati (Agencija Republike Slovenije za javnopravne evidence in storitve).

L-aċċess għar-reġistru ta’ insolvenza Sloven huwa mingħajr ħlas?

Iva, l-aċċess huwa bla ħlas. Sabiex ikollok aċċess għaliha, madankollu, trid tirreġistra bħala utent fil-websajt tal-AJPES u tikseb username u password.

Kif tagħmel tiftixa fir-reġistru ta' insolvenza Sloven

Iż-żewġ bażijiet tad-dejta, inkluż is-sistemi ta’ tiftix, huma biss fil-lingwa Slovena. Hija possibbli tiftixa dwar dejta u dokumenti dwar il-proċedimenti ta' insolvenza li jikkonċernaw persuni ġuridiċi u negozjanti bl-użu tal-kriterji kollha ta' tiftix disponibbli, filwaqt li fil-każ ta' tiftix għal dejta u dokumenti dwar il-konsumaturi (persuni fiżiċi li mhumiex negozjanti) jistgħu jintużaw biss ċerti gruppi ta' dejta, sabiex tiġi mħarsa l-informazzjoni personali.

Il-bażi tad-dejtae-Publications tħallik tagħmel tiftixa għad-dokumenti ppubblikati lkonnessi ma’ proċedimenti ta’ insolvenza. Id-dokumenti ppubblikati jistgħu jiġu mfittxija skont:

• It-tip ta' debitur (persuna ġuridika, persuna fiżika…),
• It-tip ta' proċediment (falliment, soluzzjoni mandatorja…),
• It-tip ta' dokument,
• Id-Debitur (fittex skont l-isem tal-kumpanija, in-numru tat-taxxa jew in-numru tal-identifikazzjoni),
• L-għamla ġuridika (kumpanija limitata pubblika, kumpanija limitata privata…)
• In-numru tal-fajl,
• Il-Qorti,
• Id-data tal-att jew tal-pubblikazzjoni tad-dokument.
  
  Ir-riżultati tat-tiftix jitqiegħu f’ordni skont id-data tal-pubblikazzjoni.

Fl-e-INSOLV huwa possibli li ssir tiftixa għad-dejta dwar proċedimenti ta' insolvenza permezz ta':

• In-numru tal-fajl,
• Id-Debitur (l-isem u l-kunjom jew l-isem tal-kumpanija, in-numru ta' identifikazzjoni, l-indirizz, id-data tat-twelid)

L-istorja tar-reġistru tal-insolvenza tas-Slovenja

Id-dejta fir-reġistru ilha disponibbli mill-1 ta’ Ottubru 2008. Qabel din id-data, ċerta informazzjoni, bħall-avviżi pubbliċi fil-bidu tal-proċedimenti ta' insolvenza, kienet tiġi ppubblikata fil-Gazzetta Uffiċjali tar-Repubblika tas-Slovenja (Uradni list Republike Slovenije; UL RS).

Ħoloq relatati

Ir-reġistru tal-insolvenza

X’joffri r-reġistru ta’ insolvenza Slovakk?

Ir-Reġistru ta’ Insolvenza (Register úpadcov) huwa sistema ta’ informazzjoni tal-amministrazzjoni pubblika disponibbli fuq is-sit web tal-Ministeru tal-Ġustizzja tar-Repubblika Slovakka, li huwa amministrat u mħaddem mill-Ministeru tal-Ġustizzja. Is-sistema ta’ informazzjoni tar-Reġistru ta’ Insolvenza tinkludi informazzjoni dwar proċedimenti ta’ insolvenza, proċedimenti ta’ ristrutturar u proċedimenti ta’ ħelsien mid-dejn skont l-Artikolu 10a(2) tal-Att Nru 7/2005 dwar il-falliment u r-ristrutturar u li jemenda xi atti oħra, kif emendat.

Id-data li ġejja hija disponibbli fir-Reġistru ta' Insolvenza:

1. Informazzjoni dwar proċedimenti skont l-Att Nru 7/2005 bid-dettalji kif ġej:
   1. l-isem tal-qorti;
   2. ir-referenza tal-atti tal-proċedimenti;
   3. l-isem u l-kunjom tal-imħallef inkarigat mill-proċedimenti;
   4. l-ismijiet tar-rikorrent u tad-debitur; fil-każ ta’
      4.1 persuna fiżika, l-isem, il-kunjom, id-data tat-twelid, l-indirizz,
      4.2 persuna fiżika involuta fin-negozju, l-isem tan-negozju, l-isem, il-kunjom jekk ikun differenti mill-isem tan-negozju, in-numru ta’ identifikazzjoni jew kwalunkwe identifikazzjoni oħra, il-post tan-negozju,
      4.3 persuna ġuridika, l-isem tan-negozju, in-numru ta’ identifikazzjoni jew kwalunkwe identifikazzjoni oħra, u l-uffiċċju reġistrat;
   5. isem l-amministratur jew il-fiduċjarju maħtur;
   6. l-indirizz tal-uffiċċju tal-amministratur jew tal-fiduċjarju maħtur;
   7. id-data tal-ftuħ tal-proċedimenti ta’ insolvenza jew tal-proċedimenti ta’ ristrutturar jew id-data tal-għoti ta’ protezzjoni mill-kredituri;
   8. id-data tad-dikjarazzjoni ta’ falliment, l-approvazzjoni tar-ristrutturar jew l-assenjazzjoni ta’ pjan ta’ ħlas lura;
   9. id-data tat-tmiem tal-proċedimenti ta’ insolvenza jew tal-proċedimenti ta’ ristrutturar;
   10. informazzjoni dwar jekk il-falliment inkwistjoni jkunx falliment żgħir jew le;
   11. informazzjoni dwar it-talbiet ippreżentati, skont ir-rekwiżiti tal-kontenut għal lista tat-talbiet;
   12. informazzjoni dwar it-talbiet ippreżentati bħala talbiet wara l-aġġudikazzjoni, skont ir-rekwiżiti tal-kontenut għal lista tat-talbiet wara l-aġġudikazzjoni;
   13. informazzjoni dwar abbozz ta’ pjan ta’ ħlas lura stabbilit mill-fiduċjarju;
   14. informazzjoni dwar l-assi tad-debitur, skont ir-rekwiżiti tal-kontenut għal inventarju tal-assi ta’ insolvenza;
   15. informazzjoni dwar il-laqgħa tal-kredituri u l-laqgħa tal-kumitat tal-kredituri, bid-dettalji tal-post, il-ħin u s-suġġett tal-laqgħa tal-kredituri, l-isem u l-kunjom tal-kredituri fil-każ ta’ persuni fiżiċi, jew l-isem kummerċjali tal-kredituri fil-każ ta’ persuni ġuridiċi, informazzjoni dwar jekk il-kreditur ikunx membru tal-kumitat tal-kredituri, informazzjoni dwar il-firxa tad-drittijiet tal-vot tal-kreditur, u l-minuti tal-laqgħa tal-kumitat tal-kredituri;
   16. informazzjoni dwar il-laqgħa tal-kredituri fil-każ ta’ proċedimenti ta’ insolvenza skont it-Taqsima Erbgħa ta’ dan l-Att, bid-dettalji tal-post, il-ħin u s-suġġett tal-laqgħa tal-kredituri;
   17. id-distribuzzjoni tar-rikavat;
   18. id-data tad-deċiżjoni dwar il-ħelsien tad-debitur jekk ikun ġie ddikjarat falliment jew ġie stabbilit pjan ta’ ħlas lura skont it-Taqsima Erbgħa ta’ dan l-Att;
   19. informazzjoni dwar l-impożizzjoni ta’ trusteeship ta’ monitoraġġ;
   20. informazzjoni dwar l-iskadenzi għall-partijiet fil-proċedimenti biex iwettqu azzjonijiet fl-ambitu tal-proċedimenti skont dan l-Att;
   21. informazzjoni dwar jekk il-proċedimenti ta’ insolvenza inkwistjoni jkunux proċedimenti prinċipali ta’ insolvenza, proċedimenti sekondarji ta’ insolvenza jew proċedimenti territorjali ta’ insolvenza f’konformità ma’ leġiżlazzjoni speċjali;
   22. informazzjoni dwar il-possibbiltà li jitressaq appell f’konformità ma’ leġiżlazzjoni speċjali;
   23. ir-rata ta’ rkupru għall-kredituri garantiti u mhux garantiti fi proċedimenti mwettqa skont it-Taqsimiet Tnejn u Tlieta ta’ dan l-Att;
   24. ir-rata ta’ rkupru għall-kredituri fi proċedimenti mwettqa skont it-Taqsima Erbgħa ta’ dan l-Att;
2. lista tal-partijiet falluti fil-każ ta’ proċedimenti ta’ insolvenza u lista tad-debituri fil-każ ta’ proċedimenti ta’ ristrutturar, bid-dettalji kif mitluba mill-punt (4)(a);
3. lista tal-partijiet falluti fil-każ ta’ proċedimenti mwettqa skont it-Taqsima Erbgħa ta’ dan l-Att, bid-dettalji kif mitluba mill-punt (4)(a);
4. aktar informazzjoni dwar il-proċedimenti skont dan l-Att, ippubblikata fil-Ġurnal Kummerċjali (Obchodný vestník);
5. informazzjoni dwar is-servizzi pprovduti mill-amministratur.

L-aċċess għar-Reġistru ta' Insolvenza Slovakk huwa mingħajr ħlas?

Iva, l-aċċess u t-tiftix fir-Reġistru ta' Insolvenza huma mingħajr ħlas.

X’inhu l-metodu għat-tiftix fir-Reġistru ta' Insolvenza Slovakk?

Il-paġna ewlenija tar-Reġistru ta' Insolvenza tinkludi żbarra tat-tfittxija, fejn tista’ ddaħħal it-test tat-tfittxija direttament jew, jekk ikun xieraq, li tispeċifika jekk it-tfittxija għandhiex tkun ristretta għall-kategoriji bħal Proċedimenti, Amministraturi, Assi jew Servizzi.

Storja tar-Reġistru ta' Insolvenza tar-Repubblika Slovakka

Is-sistema bdiet taħdem b’mod sħiħ fis-7 ta’ Diċembru 2015.

Ħoloq relatati

Reġistru ta’ Insolvenza

Ir-reġistru ta' insolvenza huwa servizz ta’ informazzjoni taċ-Ċentru tar-Reġistru Legali Finlandiż.

X’joffri r-reġistru ta' insolvenza Finlandiż?

Ir-reġistru jinkludi informazzjoni dwar insolvenzi miksuba mir-reġistru tal-fallimenti u tar-ristrutturazzjonijiet u mir-reġistru tal-aġġustamenti tad-dejn fuq djun imġarrba waqt l-attivitajiet kummerċjali ta’ individwu. Ir-reġistru jinkludi informazzjoni dwar rikorsi u deċiżjonijiet fir-rigward ta’ fallimenti u ristrutturazzjonijiet u, pereżempju, il-ħin u l-post tal-laqgħa tal-kredituri, l-iskadenza għas-sottomissjoni tat-talbiet u d-dettalji tar-riċevitur.

L-informazzjoni dwar l-aġġustament tad-dejn għal dejn imġarrab għal skopijiet personali għandha tintalab direttament miċ-Ċentru tar-Reġistru Legali, li jipprovdi l-informazzjoni mingħajr ħlas.

L-aċċess għar-reġistru ta' insolvenza Finlandiż huwa mingħajr ħlas?

Iva, l-aċċess għar-reġistru huwa mingħajr ħlas.

Kif tfittex fir-reġistru ta' insolvenza Finlandiż

Tista’ tfittex fir-reġistru ta' insolvenza billi tuża l-isem, in-numru tal-identità jew l-ID tan-negozju tad-debitur, fi żmien ċertu perjodu, u l-isem tar-riċevitur jew tal-likwidatur.

Meta tintalab informazzjoni miċ-Ċentru tar-Reġistru Legali dwar dejn imġarrab għal skopijiet personali, iridu jiġu pprovduti dawn li ġejjin:

• L-isem tal-persuna li tkun qed tintalab id-data tagħha
• In-numru tal-identità tal-persuna li tkun qed tintalab id-data tagħha
• L-isem u n-numru tat-telefon ta’ min jagħmel it-talba u l-indirizz fejn għandha tintbagħat l-informazzjoni

Storja tar-reġistru ta' insolvenza Finlandiż

Ir-reġistri għandhom informazzjoni mill-1995 ’il quddiem.

Ħoloq relatati

Bil-Finlandiż

Reġistru ta’ insolvenza

Ċentru tar-Reġistru Legali (Oikeusrekisterikeskus): reġistri

Reġistru ta’ fallimenti u ristrutturazzjonijiet (konkurssi- ja yrityssaneerausrekisteri)

Reġistru ta’ aġġustamenti tad-dejn (velkajärjestelyrekisteri)

Ingliż

Ċentru tar-Reġistru Legali: Reġistri

Reġistru ta’ fallimenti u ristrutturazzjonijiet

Reġistru ta’ aġġustamenti tad-dejn

Bl-Iżvediż

Ċentru tar-Reġistru Legali (Rättsregistercentralen): reġistri

Reġistru ta’ fallimenti u ristrutturazzjonijiet (Konkurs- och företagssaneringsregistret)

Reġistru ta’ aġġustamenti tad-dejn (Skuldsaneringsregistret)

Figyelem: az oldal eredeti nyelvű változata nemrég módosult. Az Ön által kiválasztott nyelvi változatot most készítik fordítóink.

Reġistri dwar il-fallimenti u l-insolvenza - Svezja

Din it-taqsima tipprovdik b’informazzjoni dwar ir-reġistru ta’ insolvenza Żvediż.

X’joffri r-reġistru ta’ insolvenza Żvediż?

L-Uffiċċju tar-Reġistrazzjoni tal-Kumpaniji Żvediż iżomm bosta reġistri li jipprovdu informazzjoni dwar kumpaniji rreġistrati. L-Uffiċċju tar-Reġistrazzjoni tal-Kumpaniji Żvediż ma jżommx reġistru uniku u koerenti ta’ persuni naturali u legali li ġew dikjarati insolventi. Hemm reġistru, miżmum mill-Uffiċċju tar-Reġistrazzjoni tal-Kumpaniji Żvediż, ta’ persuni naturali u patrimonji li ġew dikjarati insolventi, Madankollu, l-informazzjoni dwar il-kumpaniji li ġew dikjarati insolventi hija rreġistrata f’bosta reġistri tal-kummerċ ġestiti mill-Uffiċċju tar-Reġistrazzjoni tal-Kumpaniji Żvediż. L-aċċess għall-informazzjoni dwar persuni naturali, patrimonji u kumpaniji mir-reġistri ġestiti mill-Uffiċċju tar-Reġistrazzjoni tal-Kumpaniji Żvediż huwa disponibbli minn faċilità ta’ tiftix fuq l-Internet.

Minn hawn ’il quddiem, l-informazzjoni dwar l-insolvenza tal-kumpaniji, tal-persuni naturali u tal-patrimonji li tinsab fir-reġistru differenti tal-Uffiċċju tar-Reġistrazzjoni tal-Kumpaniji Żvediż tissejjaħ bħala r-Reġistru ta’ Insolvenza tal-Iżvezja (u tinkludi kemm l-informazzjoni aċċessibbli mill-faċilità ta' tiftix fuq l-Internet kif ukoll kuntatt dirett mal-Uffiċċju tar-Reġistrazzjoni tal-Kumpaniji Żvediż).

Ir-Reġistru fih informazzjoni dwar kumpaniji, persuni naturali u patrimonji fi stadji differenti ta’ insolvenza. Ir-Reġistru ġeneralment fih dawn it-tipi ta’ informazzjoni li ġejjin:

• Data tal-bidu tal-proċedimenti tal-insolvenza
• Isem tal-qorti responsabbli
• Isem, indirizz u numru ta’ reġistrazzjoni / numru ta’ kodiċi personali tas-suġġett
• Stat tal-proċedimenti
• Isem u indirizz tat-trustee

L-Uffiċċju tar-Reġistrazzjoni tal-Kumpaniji Żvediż huwa l-proprjetarju tar-Reġistru u jżommu aġġornat.

L-informazzjoni sottomessa mill-qrati biss tiġi ppubblikata fir-Reġistru. L-informazzjoni tiġi mdaħħla dakinhar li l-Uffiċċju tar-Reġistrazzjoni tal-Kumpaniji Żvediż jirċeviha mill-qorti. Meta persuna naturali tiġi dikjarata insolventi, l-informazzjoni hija inkluża fir-reġistri tal-kummerċ li tista’ tkun irreġistrata fihom il-persuna naturali.

L-aċċess għar-reġistru ta' insolvenza Żvediż huwa mingħajr ħlas?

L-informazzjoni li tinsab fir-Reġistru tal-Kummerċ Żvediż hija disponibbli mingħajr ħlas billi tikkuntattja lill-Uffiċċju tar-Reġistrazzjoni tal-Kumpaniji Żvediż bit-telefon. Għal talbiet biex tirċievi informazzjoni bil-miktub, jintalab dritt fil-parti l-kbira tal-każijiet.

L-aċċess għall-informazzjoni dwar l-insolvenza tal-kumpaniji billi tuża l-faċilità ta’ tiftixa fuq l-Internet huwa mingħajr ħlas. Informazzjoni addizzjonali hija disponibbli biss lill-utenti rreġistrati li jħallsu.

Kif tagħmel tiftixa fir-reġistru ta' insolvenza Żvediż

Biex wieħed jirċievi informazzjoni li tinsab fir-reġistru, jista’ jikkuntattja lill-Uffiċċju tar-Reġistrazzjoni tal-Kumpaniji Żvediż bil-posta, bil-posta elettronika jew bit-telefon. Il-faċilità ta’ tiftixa fuq l-Internet tippermetti tiftixa fir-Reġistru permezz ta’ isem il-kumpanija, numru ta’ reġistrazzjoni jew numru ta’ kodiċi personali. 

L-istorja tar-reġistru ta' insolvenza Żvediż

L-informazzjoni li tinsab fir-Reġistru tinżamm għal perjodu ta’ ħames snin

Figyelem: az oldal eredeti nyelvű változata nemrég módosult. Az Ön által kiválasztott nyelvi változatot most készítik fordítóink.

Reġistri dwar il-fallimenti u l-insolvenza - L-Ingilterra u Wales

Din il-paġna tipprovdik b’informazzjoni dwar ir-reġistru tal-insolvenza individwali għall-Ingilterra u Wales.

X’joffri s-Servizz tal-Insolvenza (Is-Servizz) tal-Ingilterra u Wales?

Is-Servizz ta' Insolvenza tal-Ingilterra u Wales huwa obbligat mil-liġi li jżomm ir-reġistri tal-insolvenza individwali, ir-restrizzjonijiet tal-fallimenti u r-restrizzjonijiet tal-ħelsien mid-dejn. Ir-"Reġistru ta' Insolvenza Individwali" huwa amalgamazzjoni ta' dawn ir-reġistri u fih dettalji dwar:

• il-fallimenti li għadhom għaddejjin u dawk li ntemmu fl-aħħar tliet xhur
• l-ordnijiet ta' ħelsien mid-dejn li għadhom għaddejjin u dawk li ntemmu fl-aħħar tliet xhur
• l-arranġamenti volontarji individwali li għadhom għaddejjin u l-arranġamenti volontarji rapidi, inklużi dawk li ntemmu fl-aħħar tliet xhur
• ordnijiet jew impenji ta' restrizzjonijiet ta' falliment li għadhom għaddejjin u ordnijiet ta' restrizzjonijiet ta' falliment interim
• ordnijiet ta' restrizzjonijiet ta' ħelsien mid-dejn li għadhom għaddejjin u ordnijiet ta' restrizzjonijiet ta' ħelsien mid-dejn interim.

L-aċċess għar-reġistru tal-Insolvenza Individwali tal-Ingilterra u Wales huwa mingħajr ħlas?

Iva, l-aċċess għar-reġistru huwa mingħajr ħlas.

Kif tfittex fir-Reġistru tal-Insolvenza Individwali għall-Ingilterra u Wales

Ir-reġistru jinsab fis-sit tas-Servizz tal-Insolvenza, u tista' ssibu taħt "Find someone". Billi tikklikkja l-ħolqa għar-Reġistru ta' Insolvenza Individwali, tista’ tfittex fir-reġistru b’isem l-individwu jew l-isem kummerċjali.

L-istorja tas-Servizz tal-Insolvenza tal-Ingilterra u Wales

Is-Servizz tal-Insolvenza huwa aġenzija eżekuttiva tad-Dipartiment għan-Negozju, l-Innovazzjoni u l-Ħiliet u permezz tar-riċevitur uffiċjali huwa:

• jamministra u jinvestiga l-affarijiet tal-fallimenti, individwi suġġetti għal ordnijiet ta' ħelsien mid-dejn, u kumpaniji u soċjetajiet stralċati mill-qorti u jistabbilixxi għalfejn spiċċaw insolventi
• jaġixxi bħala fiduċjarju/likwidatur meta ma jinħatarx prattikant fl-insolvenza mis-settur privat
• jaġixxi bħala nominat u superviżur f'arranġamenti volontarji individwali rapidi.

Barra minn hekk is-Servizz:

• jimxi fuq rapporti dwar imġiba ħażina minn falluti u individwi suġġetti għal ordnijiet ta' ħelsien mid-dejn, u diretturi
• jittratta l-iskwalifika ta' diretturi mhux xierqa fil-fallimenti kollha tal-kumpaniji
• jittratta l-ordnijiet u l-impenji tal-falliment, u ordnijiet u impenji ta' ħelsien mid-dejn
• jawtorizza u jirregola l-professjoni tal-insolvenza
• jevalwa u jħallas l-intitolamenti statutorju għall-ħlasijiet tas-sensji meta impjegatur ikun legalment insolventi
• jipprovdi servizzi ta' investiment u ta' kontabbiltà tal-patrimonju għall-falliment u l-likwidazzjoni tal-fondi tal-patrimonju
• imexxi investigazzjonijiet kunfidenzjali fil-kumpaniji biex jiskopri l-fatti meta dawn ikunu ta' interess pubbliku
• jagħti pariri lill-Ministri u d-dipartimenti u aġenziiji governattivi dwar l-insolvenza, is-sensji u kwistjonijiet relatati oħrajn
• jipprovdi informazzjoni lill-pubbliku dwar kwistjonijiet relatati mal-insolvenza, is-sensji u l-investigazzjoni permezz tas-sit elettroniku u l-pubblikazzjonijiet tiegħu u l-Linja Telefonika għall-Mistoqsijiet dwar l-Insolvenza.

Dikjarazzjoni ta’ ċaħda ta’ responsabbiltà tar-reġistru tal-insolvenza Individwali tal-Ingilterra u Wales

Id-dikjarazzjoni ta’ ċaħda ta’ responsabbiltà testwali fuq is-sit elettroniku tgħid:

“Filwaqt li sar kull sforz sabiex jiġi żgurat li l-informazzjoni provduta hija preċiża, xi kultant jistgħu jsiru żbalji. Jekk tidentifika informazzjoni li tidher inkorretta jew tidher li tħalliet barra, jekk jogħġbok għarrafna billi tuża l-ħoloq li jinsabu f’dan is-sit, biex inkunu nistgħu ninvestigaw il-kwistjoni u nikkoreġu l-bażi ta' dejta kif meħtieġ.

Is-Servizz tal-Insolvenza ma jistax jaċċetta responsabbiltà għal żbalji jew omissjonijiet b’riżultat ta’ negliġenza jew xi ħaġa oħra. Innota li s-Servizz tal-Insolvenza u r-riċevituri uffiċjali ma jistgħux jipprovdu pariri legali jew finanzjarji. Għandek tfittex dan mingħand l-Uffiċċju għall-Pariri għaċ-Ċittadini, avukat, kontabilista kwalifikat, prattikant awtorizzat tal-insolvenza, konsulent finanzjarju magħruf jew ċentru tal-pariri.

Ir-Reġistru tal-Insolvenza Individwali huwa reġistru disponibbli pubblikament u s-Servizz tal-Insolvenza ma jaċċettax, jew ma jagħmel ebda rappreżentazzjoni dwar, kwalunkwe użu li jsir mid-dejta fuq ir-reġistru minn partijiet terzi”.

Ħoloq relatati

Is-Servizz ta' Insolvenza

Ir-Reġistru tal-Insolvenza Individwali

Figyelem: az oldal eredeti nyelvű változata nemrég módosult. Az Ön által kiválasztott nyelvi változatot most készítik fordítóink.

Reġistri dwar il-fallimenti u l-insolvenza - L-Irlanda ta’ fuq

Din it-taqsima tipprovdik b’informazzjoni dwar ir-reġistru ta’ insolvenza tal-Irlanda ta’ Fuq.

X'joffri r-reġistru tal-insolvenza tal-Irlanda ta' Fuq?

Fl-Irlanda ta' Fuq mhemmx reġistru tal-insolvenza partikolari. Is-Servizz tal-Qrati u t-Tribunali tal-Irlanda ta' Fuq iżomm informazzjoni fuq persuni li ġew iddikjarati falluti f'dawn l-aħħar għaxar snin. Din l-informazzjoni tinsab fuq bażi tad-dejta onlajn, li tista' tintuża għat-tiftix mill-pubbliku bi ħlas ta' tariffa. Għal aktar informazzjoni dwar din il-faċilità ta' tiftix onlajn għall-fallimenti ara s-sit elettroniku Servizz tal-Qrati u t-Tribunali tal-Irlanda ta' Fuq.

Is-servizz ta' insolvenza tad- Dipartiment tal-Intrapriżi, il-Kummerċ u l-Investimenti (Online DETI) jittratta kwistjonijiet ta' insolvenza.

L- għan u l-irwol tas-Servizz tal-Insolvenza huwa li:

• Jamministra u jinvestiga l-kwistjonijiet ta' fallimenti u kumpaniji bi stralċ obbligatorju
• Jistabbilixxi r-raġunijiet għall-insolvenza
• Jieħu ħsieb l-iskwalifika tad-diretturi fl-insolvenzi korporattivi kollha
• Jaffaċċja l-attività qarrieqa fil-ġestjoni tan-negozji insolventi
• Jirregola l-professjoni tal-insolvenza
• Iħaddem il-kont tal-insolvenza
• Jippromulga leġiżlazzjoni u politika dwar l-insolvenza speċifika għall-Irlanda ta' Fuq

Online DETI hija ta' u ġestita mid- Dipartiment tal-Intrapriżi, l-Kummerċ u l-Investiment.

L-aċċess għal Online DETI tal-Irlanda ta' Fuq huwa mingħajr ħlas?

Iva, l-aċċess huwa mingħajr ħlas.

Kif tfittex fl-Online DETI tal-Irlanda ta' Fuq

Is-Servizz tal-Insolvenza attwalment iżomm aġġornati ir-reġistri li ġejjin: l-Arranġamenti Volontarji Individwali (IVAs) u l-Arranġamenti Volontarji Prijoritarji (FTVAs), Ordnijiet ta' Restrizzjonijiet fuq il-Fallimenti jew Ftehimiet(BROs / BRUs), Ordnijiet ta' Ħlas tad-Dejn (DRO's) u Ordnijiet ta' Restrizzjonijiet fuq Ħlas tad-Dejn jew Ftehimiet (DRROs / DRRUs).

Tista' tfittex għal individwu onlajn permezz tal- reġistri IVA, DRO, DRRO u DRRU .

Għal aktar informazzjoni dwar ir-Reġistri tal-Insolvenza fittex hawn.

Ħoloq relatati

Online DETINI

Is-Servizz tal-Qrati u t-Tribunali tal-Irlanda ta' Fuq

X'għandu x'joffri r-Reġistru tal-Insolvenzi tal-Iskozja?

Is-sit elettroniku Accountant in Bankruptcy fih gwida u materjal dwar l-insolvenza fl-Iskozja. Dan jipprovdi:

• Aċċess għal-leġiżlazzjoni
• Ħolqa għar-Reġistru dwar l-Insolvenzi, li fiha dettalji dwar:
  • Fallimenti
  • Restrizzjonijiet fuq il-fallimenti
  • Atti protetti dwar it-trusts
  • Likwidazzjonijiet u riċevituri ta' negozji fl-Iskozja (inkluż l-istralċ solventi).
  • Moratorji

Ir-Reġistru dwar l-Insolvenzi tal-Iskozja ma għandux dettalji tal-amministrazzjonijiet tal-kumpaniji.

Is-sit elettroniku DAS Scotland jagħtik pariri dwar il-flus u d-dejn, materjal għal konsulenti finanzjarji approvati, informazzjoni dwar l-iskema ta' arranġament tad-dejn (skema statutorja dwar il-ġestjoni ta' pagamenti fuq perjodu raġonevoli, bi protezzjoni mill-azzjoni tal-kreditur).

Ir-Reġistru dwar l-Insolvenzi tal-Iskozja huwa l-proprjetà ta' u ġestit mill-Kontabilista fi proċedimenti ta’ falliment.

Ir-Reġistru DAS (Ir-Reġistru tal-Iskema ta' Arranġament tad-Dejn) tal-Iskozja

Ir-Reġistru DAS Register tal-Iskozja jagħti informazzjoni dwar programmi ta' pagament ta' dejn approvati u pendenti. Huwa jipprovdi wkoll informazzjoni dwar il-moratorji attwali. Ir-reġistru tad-DAS jappartjeni u huwa miżmum mill-Kontabilista fi proċedimenti ta’ falliment bħala parti mir-rwol tiegħu/tagħha bħala amministratur tad-DAS.

L-aċċess għar-Reġistru tal-Insolvenzi tal-Iskozja huwa mingħajr ħlas?

L-aċċess għar-reġistru tal-insolvenzi tal-Iskozja huwa mingħajr ħlas. Hija disponibbli wkoll data kummerċjali li tista' titniżżel kuljum. Għal iktar informazzjoni jekk jogħġbok ikkuntattja: roienquiries@aib.gsi.gov.uk

L-aċċess għar-reġistru DAS tal-Iskozja huwa mingħajr ħlas?

L-aċċess għar-reġistru DAS huwa mingħajr ħlas.

Kif tagħmel tiftixa fir-Reġistru tal-Insolvenzi tal-Iskozja

Ir-Reġistru tal-Insolvenzi tal-Iskozja jinsab online.

Kif tagħmel tiftix fir-reġistru DAS

Ir-reġistru DAS jinsab online.

L-istorja tar-reġistru tal-insolvenza tal-Iskozja

It-tiftix fir-Reġistru tal-Insolvenzi jagħtik id-dettalji ta' kull każ "attwali" ta' falliment, kif ukoll ta' dawk li ngħalqu fl-aħħar sentejn. Fil-każ tal-atti protetti tat-trusts, ir-reġistru jagħtik id-dettalji tal-każijiet "attwali", kif ukoll ta' dawk li ngħalqu fl-aħħar sena. Bl-istess mod, it-tiftix fuq riċevituri jew stralċ jagħtik dettalji dwar każijiet "attwali" kif ukoll dwar dawk li ngħalqu s-sena li għaddiet.

It-tiftix dwar moratorji se juri l-moratorji attwali kollha. Moratorju jitneħħa wara sitt ġimgħat jew wara l-għoti ta’ falliment, protezzjoni ta’ att ta’ trust, jew approvazzjoni ta’ DPP taħt DAS.

L-istorja tar-Reġistru DAS

Is-sit elettroniku tar-Reġistru DAS ikopri informazzjoni dwar il-programmi ta' pagament ta' dejn approvati u pendenti. Huwa jipprovdi wkoll informazzjoni dwar il-moratorji attwali.

Ħoloq Relatati

Kontabilista fi proċedimenti ta’ falliment

Reġistru dwar l-Insolvenzi

Reġistru DAS